Bertoko erreketako arrainak, karramarroak...

Oiloak, untxiak eta ahateak zituzten (erreka ondoan bizi zirelako zituzten ahateak). Bakailaoa beratzeko errekara sartzen zuten zaku barruan; zakua karramarroz betetzen zen. Ezkailuak harrapatzea oso erraza zen, erretela botata bertara joaten ziren. Mañariko errekak ur hotza du, eta hori oso ona da; hori dela eta, ez zen loinarik egoten. Beste erreketan egoten ziren loinak. Santa Anatik gora ez zen barborik egoten. Bertoko karramarroak aurkitzeko erreka hasieratara joan behar dela dio. Zarboak sardexkarekin harrapatzen zituzten; harrien azpian ezkutatzen ziren. Ezkailuak sabel mingotsa du, zarboak ez.