Elay lantegia euskalduntzen II

Elay lantegiaren euskalduntze prozesua. Nahiz eta artean plangintza zehatzik ez izan, Elay lantegiko zuzendaritzako kideak hasiak zeuden euskara zabaltzearen ideiari bueltaka. Anajek langileekin izan zuen harremana, eta lan handia egin zuen euskara "saltzen". Asanblada bat egin zuten eta sorpresaz ikusi zuten, gutxi batzuek kenduta, denek onartzen zutela proiektua. Urte askoren ostean guztiz euskalduntzea lortu zuen lantegiak. Barne-funtzionamendu guztia euskaraz da, nahiz eta hornitzaileekin ezinbestean beste hizkuntzaren bat erabili. Makinak ere guztiz euskaldunduta bidaltzen dizkiete, beraiek hala eskatuta. Euren eredua zabaltzea nahi zuten, baina oraindik ere bakarrak direla dio, nahiz eta beste lantegi batzuk ere aurreratuta joan.