Etxeko lanen banaketa eta morroia

Transkripzioa

- Azoka juten zan ordun?
- Azoka... enkarguk, astekuk ekartzea...
- Ta saltzea’re bai?
- Saltzea’re eamaten zuen; arrautzak eta oillaxkuek... eta ostontzien zerbait’e bai gaztayek diela o... eamaten zuen saltzea.
- Azpeitia juten zan?
- Azpeitia, Azpeitia. Ta han barrotie pasau, merkaue pasau ta... handiken hiru kilometro [...] eta beste xei bat kilometro e oinez... Hamabi bat kilometro ein iten zituen. Ez zeben zea... makala izeten hayek’e! bizimodua orduan latza zan. Oso latza.
- Bai?
- Bai, oso latza. Ta kalin’e gezki. Eskolan ikusten gendun. Eskola juten giñenien...e kalin bizi zienak ogiye palta. Eibertik eta etortzen zien honea arto-iriñeta.
- Eibartik?
- Eibartiken ta etortzen zien arto-iriñeta. Ta geo, morroi bat ekarri zuen. Jakiña, ba, ni ume zaitzen ta eskola’re... askotan itxin gelditzen nitzen... Morroi bat ekarri zuen... zea horrek... gure aitte horrek. Ta bastate majaderue zan. Ta ordun itxin udik’e ez genduken. Ez zeuen artien korrienteiken eta dutxaiken ta ez zeuen. Ta hor bertan genduken potzu, baiña txahalentzako ude aska ekarri ber izeten gendun. Ta lehor urti zan, ta bastante jan sekue zauen. Ta egarriye’re geyo izeten zen txahal hoyek. Ta hala, esan zigun: “behiyek larrea bialdu ditxiat eta zea... txahalentzako ude ekarri!”. Ta “bai”. Ta morroyek’e “bai” ta. Hala behinik pehin, morroie alper zamarra’re pixkat bazan. Eroso zamarra. Zea “behiyekin ekarri ta behiyekin batea eamangoittu iturrira”. Ta sekula txahalak askau be katetiken. Ta hala, ekarri ditu behiyek, ikuillua sartu die, txahalak askau ditugu... ta behiyekin batea iturrira txahalak. Ta hola potzu haundi bet zan. Oin’e sukalde hau aiñekue ez, baiño[...] erdi tamañokue o hola. Ordun oin baiño haundiyo zun. Ta hala, txahal bat haundi zamar bat. Ta ez sartu nahi. Ude... egarriye bazauken, hola udei ikutzen ziyon... ta ikutzen ziyonien, atzea iten zun. Ta morroi hori sartu da azpira, gu mutil koskorrak, sartu da azpira ta bizkerrien jasotzen hasi da aurrea juteko ta... salto in diyo ta ja-ta, ja-ta udeta morroi hori.... dana... holako ondu zauken... udetan, potzuten. Gu atzetik parrez. Ta...
- Zenbat holako pasau...
- Ta... geo etorri ta aittek txahalai ude ekarri al diyozue? Ta morroiye ixilik. “Ez, ez diyou ekarri”. Beak eaman ditu. Ta “nola eamandituzue?”. “Behiyekin ekarri ta behiyekin batea”. Ta ze... “atzea etorri al die ikuillua?”. Ta ikuillua, aldau baiño leno ikuillua ikustea! Ta batematek zeoze ein... Geo esplikau niyon, ba, seitu-seitun ez ta... nola zea... “Txahal beltzak”, bat beltza zan, “txahal beltzak ez zun sartu nahi ta udei ikutzen ziyon ta atzea iten zan... ta azpire sartu ta bizkerrakin jaso ta aurrea ez zea iteko hasi ta Joxe bea bota du potzura!”. Ta “zuek ondik eingoituzue haundiyouek!”. Eta behi... txahal hoyek ikuillun ikusi zitun ta gustoa.
- Ordun ya lasai.
- Bai, ta ordun ya gustoa. Zenbat ibillera in ber izeten zan!

Egilea(k): Ainitze Oruesagasti (Badihardugu Euskara Elkartea)