Belarra kablez etxeetara eramatean gertatutako istripua

Pasarteak jarraian erreproduzitu

Hizlaria(k): Urteaga Arregi, Pedro

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ARE-036-023 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Idiak euren pausoan joanda, makinak belarra ebakitzen zuen. Hala ere, belardi maldatsuetan segaz ebakitzen jarraitu zuten. Toki maldatsuetan belar iharra kablez bidaltzen zen etxeetara. Belar-sendorra kablean gelditzen zenean, harriz betetako zorroa bidaltzen zioten bultza egin ziezaion. Horietako zorro bultzalari batek Goroetako Uriarte baserriko belartegian lanean ziharduen gizona hil zuen istripuz.

« Aurrekoa Hurrengoa »

Proiektua: Deba Eskualdeko Ahotsak - Aretxabaleta.
Elkarrizketatzailea(k): Kepa Elortza
Data: 2009(e)ko maiatzaren 07a
Iraupena: 0:03:03
Erref: ARE-036/023
Kodifikatzailea: Kepa Elortza
Gaia(k): Baserria » Baserriko lanak » Lurra lantzea , Baserria » Baserriko lanak » Baratzea eta soroa

Transkripzioa

- Zenbateko kortia hartzen eben? Segiak baiño zabalaua?
- Holako peini bat euken, holako zabalerako peine bat.
- Segiak igual gehitxuau korte baikotzien?
- Zabalau bai baiña, segiak ebagi orduko ha baztarrien egoten zan e? Idixak euren pausuan faten ziren eta, aide. Ha adelantu haundixa zan e? Ha zera, ordurako. Diferentzia ederra, gero segiaz ebaten ziren horreik beste terreno aldrebesauak, han daz zeretik, pantanotik Ursula Garai aldera, hareik be han be zail haundixak egozen, eta hareik segiaz ebaten ziren artien.
- Hara igual idirik eruen ezin, ezta?
- Idixak burdixa kargauta-eta faten ziren, baiña norberak bizkarrakin eutsitta eta burdixa kargauta […] atara bihar. Aldapak, bai.
- Arantzazun…
- Arantzazun, eta Urrusulan? Urrusulan hemendik Urrusula Garaitik ifini, oin dana piñua dau baiña dana zelaixa zana, danak kabliak ifintten zittuen etxera sendorrak botateko.
- Neuk be ezagututa dakot hori.
- Nik Koruetan ezagututa dauket han goittik, Kurtzebarri aldetik Koruetako Uxartekuk, etxia be han dau baserrixa ona, etxia ona. […] edo zerak, goittik kablia ifinitta eta etxeraiño aillau baiño lehenau geratu sendorra, askotan haiziek eutsi itten otsen, kabliak hola egin, atzetik harrixa bota zakun baten sartuta, ta Urtitxeko Anizeto, han bertakue, hemen aiuntamientuan dabil hango zer bat, horren aitten tio bat zana, hemen lana itten dauen horren aitten tio bat. Bedarrok kentzen beziñuanera fanda ta jo harrixori goittik behera kargauta bota daue zakun baten harrixori, jo eta sendor eta harri eta kristo guztia eta jota garbi gizonori bertan kamaran.
- Gizona garbittu?
- Eta ni etxeburuen nebillen ganau zain, eta amak esan nosten kanpaiak entzuten dittunien, hamabixetako kanpaia joten euen ordun eguardixen, eta illunkaran be bai aramaittekua, eta…
- Anjelusa edo ez zan hori?
- Anjelusa edo ez dakit, eta entzuten dotenien erueteko ganauak etxera. Eta nik kanpaia entzun nebenien hil-kanpaia, mutikua, artien gaztia nintzan ta, kanpaia ta onddiok zer eta, gero zera, kanpaia, hil-kanpaia Uxarten jo zeorrek zeori. Harrixak sendorra trabatik kentzeko harrixak bota atzetik, eta harrixak pixua zela euken harek, haiziak ez otsan hari eusten eta goittik behera abixara haundixa hartuta eta jo eta sendor eta guzti barrura, hemendik atetik barrura sartuko balitza letxe eta barruen euena zeori, gizonori, mutilzahar hori jota garbi bertan. Bai gizona.

Egilea(k): Kepa Elortza