Aretxabaleta (Gipuzkoa)

Gerra aurreko euskal izena

Gerra aurreko euskal izena <p>1932ko abuztuan jaio zen Aretxabaletan eta Miren Gaztelu izenarekin bataiatu zuten, Gatzagako Ama Birjinaren izena euskaratuta. Hala ere, gerraosteko eskolan "Mar&iacute;a del Castillo" deitzen zioten.</p>

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ARE-029-001 kodeko bideoa nahi duzula aipatzea: ahotsak@ahotsak.eus

Tamaina:

1932ko abuztuan jaio zen Aretxabaletan eta Miren Gaztelu izenarekin bataiatu zuten, Gatzagako Ama Birjinaren izena euskaratuta. Hala ere, gerraosteko eskolan "María del Castillo" deitzen zioten.

Transkripzioa

-Izena Miren Gaztelu Urreta Zubia. Jaixo nintzen hementxe Atxabaletan, agostuak hogeta lau, San Bartolome egunian, milla beratzirehun eta hogeta hamabixen, “treinta y dos”a esaten dana. Nire izena da ba hoixe, Miren Gaztelu, eta uste dot gaiñera Atxabaletan neu bakarra nazela, ez dago besteik. Ni gerra aurrekua, klaro, nola nazen ba. Gaiñera hau izen hau ifintteko bere berezia dauko, bere historixa berezia dauko. Batzokittik liburue eruen, izenen liburue eruen etxera eta handik hartuta izenak, nire aittak gure auena, gure auen Gatzako Ama Birjiñian izena jartzia, eta klaro, Gatzako Ama Birjiñia da "Nuestra Señora del Castillo". Eta orduan berak euskeraz ifinttia zela gura auen, han aurkittu izena, eta Maria Castillo, Nuestra Señora del Castillo euskeraz Gaztelu, eta niri ifiñi ustien izena Miren Gaztelu, eta hori euki dot, bizi guztien Miren deittu izen duste, eta gero gerra ostien hasi nintzen, eskolara ta hasi nintzenien, Maria del Castillo eta Maria del Castillo, eta hainbeste denporan euki izen dot izena Maria del Castillo. Baiña lehen zerien, jaixo zintzenien zerak, Donostiko, Gipuzkoako Kutxak bialketan auen ume bakotxai kartilla bat ez dakitt zenbat diru ifinitta. Eta han euki izen dot beti, beti-beti nire izena Miren Gaztelu moruan. Beti, e. Niri ez doste sekula iñoiz bidali ez gerra denporan be ez eta gero be ez Maria izenakin, betik Miren Gaztelukin. Eta Miren da Miren. Eta elixan be Miren Gaztelu, eta Maria del Castillo ba beste gauza batzutan, ez dakit nik, edo banko-edo.

Egilea(k): Juan Martin Elexpuru (Badihardugu Euskara Elkartea)

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia