Antzuola (Gipuzkoa)

Garia Antigua errotara

Garia Antigua errotara <p>Errotak: Antigua errota; Errotabarri; "Ttanbolingua". Garia errotara eramateko, errotarako-zakua erabiltzen zen (ohikoa baino finagoa). Beraiek garia bizkarrean eramaten zuten errotara. Beste askok astoan eramaten zuten. Astean behin, larunbatean, "labako sua" egiten zuten.</p>
Tamaina:

Errotak: Antigua errota; Errotabarri; "Ttanbolingua". Garia errotara eramateko, errotarako-zakua erabiltzen zen (ohikoa baino finagoa). Beraiek garia bizkarrean eramaten zuten errotara. Beste askok astoan eramaten zuten. Astean behin, larunbatean, "labako sua" egiten zuten.

Transkripzioa

- Ta hemen, errotarik bazekazuen hemen inguruan?
- Bai, Antiguan bertan geunkan guk bat.
- Eta ze izen zekan errotiak?
- Errotiak? Antigua-errota. Don Isidro... Zu ez zara akordauko. San Migelen oindio ez da urte asko hil dala.. San Migelen hil zan. Uzarragan egon zan abade, ta... Abadia zan. Parientiak giñan gu. Antiguan bazeuan errotia. Gero, Errota-barri beste bat, Txanbolingua [ere] bazuan beste bat, ta ez dakit gorauan be ez ote zeuan beste bat.
- Hemendik pasatzen dan errekia Antzuola errekia da, ez?
- Bai.
- Ta errota guzti horrek hemen erreka baztarretan ipinittakuak izango dia, ez?
- Bai, bai.
- Ta, orduan, errota dexente...
- Errotak horretxek zeren. Errota-berri ta Antigua-errotakuak horrek zian zerenak, ta gero Txanbolingua be bai. [Auzo haretakuak] danerakuak. [Izarrakuak]... Han zertzen zittuen, Txanbolinguan.
- Eta garixa-ta errotara zelan eruaten zenduen?
- Zakuan. Aparteko zakuak, zaku fiñauak izeten zian, e! Ez zien izaten, hola, bestela erabiltzen zan zakua. Errotarako zakua izaten zan fintxuaua. Klaro, iriña ekarri biher izeten zan ta!
- Eta ze izaten zan, astuan eruan, ala zelan?
- Ez. Guk gertuan geunkan, ta guk bestera eruaten giñuan. Bueno, gertuan... Ez zeuan gertuan Antigua Ibarretik, baiña bai, beti bizkarrian eruaten giñuan. Bizkarrian eruaten giñuan. Geu be gogor samarrak giñan, ta bizkarrian eruaten giñuan. Baiña, bestela, astuan jendiak.
- Eta errotara eruaten zan garixa, ta gero bueltan...
- Bueltan iriña.
- Eta urtian zenbat bidar edo zenbat buelta eitten zian bertara? Asko?
- Hoixe ezin esan!
- Asko, ez?
- Asko. Klaro.
- Orduan, gaiñera, garixa...
- Garixa ta artua, bixak bihar izaten zeben ta. Garixa, ba, astian. Astian eitten zan zera, labeko sua. Zapatuan, jeneralian, labeko sua izeten zan. Hurrengo zapaturarte, ba, ogi harekin. Falta baldin bazan, Antigua-errotakuak parientiak-eta giñutzen ta... Baiña, bestela, ogi [erosixa] jan bihar.
- Ta labako sua zelan eitten zan, edo zeiñek eitten zeban?
- Amak. Amak eitten zeban gurian. Guk ez giñuan... Gu ez giñan allegau horrek ikestera. Gero, ba, kaleko ogixoi hasi biheko zeben ama ez zan denboran ta...
- Ta labako sua, orduan, astian behin eitten zan.
- Astian behin eitten zan labako sua. Guk zapatuan eitten giñuan jeneralian.

Egilea(k): Aintzane Agirrebeña (Badihardugu Euskara Elkartea)

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia