Zerain (Gipuzkoa)

Gari bila Arabara

Gari bila Arabara <p>Garia Arabako zenbait herritatik ekartzen zuten isilean, baserrietatik. Behin lagun bati esan zion nondik ekartzen zuen garia eta lagundu egin zion hara joaten. Bidean guardia zibilak ibiltzen ziren eta estraperloan zebiltzanek kontuz ibili behar izaten zuten haiek harrapa ez zitzaten.</p>

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ZER-002-009 kodeko bideoa nahi duzula aipatzea: ahotsak@ahotsak.eus

Tamaina:

Garia Arabako zenbait herritatik ekartzen zuten isilean, baserrietatik. Behin lagun bati esan zion nondik ekartzen zuen garia eta lagundu egin zion hara joaten. Bidean guardia zibilak ibiltzen ziren eta estraperloan zebiltzanek kontuz ibili behar izaten zuten haiek harrapa ez zitzaten.

Transkripzioa

- Kandido, garie esan dezu Arabako herri hoitatik ekartzen zenula.
- Bai.
- Almazenen batzutatik o...?
- Ez, ez, ez, baserriya ta ixilik, ixilik gauen ta hola askotan.
- Gauez juten ziñeten?
- Bai. Ni izanda nao nere laun bat, ezagun haundie zan, ta harek’e famili haundie zeuken, ta berak hango berriik ez zekin, hua hemen hemen bizi zan Zegaman, ta esan zien: “hola nik’e gari pixka bat ekarriko nikek eta lagunduko al diake hik? ba al daukak ezagunik eo han hola” ta. Hemen’e ya alkarrekin-ta asko ibiltzen giñen; beno, ni baiño zaharragoa zan hura baiño behintzat... Familie zeuken harek haundie. Ni gaztea nitzen ordun. Ta esan nion: “ba, bai ba lagunduko diat” ta nik [erositta ipini non] garie ta ekartzea ni launduz bera jun zan. [Zea], aston bat o zaldin bat o bazittun ta hortaa jun giñen. Ta biren hasi ziun euri lanbro zea hori ta erdi busti, erdie baiño gehio busti, ta gauen jende bildurre, baiño ordun gauen ez zeon biden iñor, halako [...]kin ez zeon enbarazoik. Ta gauen egin nun [...] Urbia, ta Urbin gure txabolan’e, handik buelta inda lo in ta hura hurrengo egunen gariak hartu ta etxea etorri zan Urbitik. Ogie garestia zan hura’re, baiño jan in behar!
- Biden batenbat ibiltzen zan?
- Bai, gurdia, guardia zibillek eta beti hortik zeoze kargu pixkat hor beti eoten zan.
- Eukitzen zenuen puntu jakiñekoik han eoten ziela, beti [...].
- Ez hola puntu jakiñik eta ez gendun, baiño beti kuidadon ibiltzen zerbaitten e... guk hango bidek bagiñezkiun, guk mendi hoitako bidek Donostikok baiño hobeto geiñizkiun.
- San Adrian aldetik etortzen ziñeten?
- Ez, hor, Andraitz.
- Andraiztik.
- Handik behera. San Adriandik guretik... iya Zeraindik [juteko] mendittik handik hobetogo gelditzen zan, iya errexo, gertugo.

Egilea(k): Alaitz Urkizu Elizetxea

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia