Sindikalismoaren bilakaera Zarautzen

Transkripzioa

- Bueno, poliki-poliki ai gea sartzen lan kontuekin. Eta lehen esan det hasieran sindikalismoaren, pixka bat, sorrera Zarautzen eta hori jorratzea komeni zaigula, jasotzea gai hori...
- Bai.
- …zeren ez deu jaso iñundik iñoa hori. Eta hortik hasi gintezke. Nola sortzen da, e, pixkat, e, jorratu dugu ze sektore zeuden...
- Bai.
- ...pixkat ze sektore produktibo zeuden eta abar. Eta ordun nola sortzen da hori, noiz sortzen da? Ze giro dago? Ze garai da hori?
- Sindikalismua itxura danez lehenbizi, ni baiño leheno, sortu zan, eta gerra aurretikan zerbait izan zan hemen. UGTk ez det uste las asko edo indar asko izango zunikan, baiño ELAk ein zun lan pixkat. Eta...
- Gerra aurretik?
- Gerra aurretikan, bai. Ta ELAn ordun, ba, gidari, buru o lehendakarik baldin bazan, o, ez dakit. Joxe Alberdi izango zan, ta hau lehen irakasle, Escuela Profesionaleko irakasle maillan ez det aitatu, baiño hori’re izan zan Iriarten ta ondoren. Ta, baiño gero, itxura danez, ni ordun ez nitzan ez asko enteratzen, baiño, bildurrak eta represiyuakin dana zapuztuta gelditu zan, moimento sindikala Zarautzen.
- Gerrarekin kitto.
- Bai, gerra ta gerra ondorenakin. Batzuek kartzela, bestiak alde inda, beste batzuek hil zituelako, eta abar. Ba, gero neri tokatu zitzaiten ba, eskeintza bat, o eskaera bat ein ziela zerbait bide hortan hasteko. Eta ordun hasi nitzan ni pixkat miatzen, zer zeon, zer izan zan, ta abar. Ta lehen aitatu dizuten Joxe Alberdi hori’re ikutu nun, beste gerran ibilitako batzuek’e bai, Alfan ta zaudenak, gudariyak izandakuak. Eta, ba, hortikan hasi nitzan aber ze ein zitekeen nolabait moldatzen. Ta, noski, hori nere kasa, espiritu santuak emandako ideak ez ziran, besten batzuk eman zizkien o bultzatu o eskatu ein zizkienak. Eta ordun, ba, klandestinidadian ELA ai zan, ba, moimentu bezela, sindikato baiño gehio, zeatikan sindikatua, taillarrian ez baldin badakau oiñarrituta, ba, hori filosofi bat beste ezer ez da. Ta filosofiyakin jan ta burrukik ez da eiten, uste det nik. Ta, esto, ordun, ba, moldatzen hasi eta kanpoko jendiakin ere kontaktuak hartu ta, kontaktuak hartu o haiek hartu zituen nerekin, nahi dezun bezela. Eta hortikan hasi giñun pixkat moldatzen.
- Noiz, ze garai zan hori?
- Aber, aber... hirurogeita hamalau bat, o.

Egilea(k): Miren Zabaleta