Batzokiko giroa: antzerkiak, dantzariak..

Pasarteak jarraian erreproduzitu

Hizlaria(k): Loiola Antzuola, Agate ; Loiola Antzuola, Ignacia ; Loiola Antzuola, Rosario

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ZAR-019-017 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Batzokiko giroa. Bakoitzak kargu desberdin bat izaten zuen; anaiak antzerkiak antolatzen zituen. Emakumeek Emakume Abertzaleen Batzan ikasten zuten. Nolako euskal dantzak egiten zituzten. Hilandera edo pospolin jantzia.

« Aurrekoa Hurrengoa »

Proiektua: Zarautz Hizketan - Zarauzko euskara eta ahozko ondarea
Elkarrizketatzailea(k): Belen Maiz - Fernando Muniozguren
Data: 2005(e)ko apirilaren 19a
Iraupena: 0:02:28
Erref: ZAR-019/017
Kodifikatzailea: Aintzane Agirrebeña
Gaia(k): Aisia » Kultura » Dantza , Politika » Jarrera politikoak » Abertzaleak

Transkripzioa

- Ta, batzokiko girua nola gogoratzen dezu, gerra aurreko girua batzokikua?
- R.: Batzokikua? Gizonana? Batzokiya zana?
- Bai.
- R.: Han eoten zan, bueno, orduko [...] agintariyak zazkaen. Batek iten zun bat, bestiak bestia. Nere anaiak jeneralian iten zun antzerkiya preparatu, zeak hartu, notak: zeiñek ze in behar zun. Bea, bea, bea 're oso ona zan antzerkiya iten, oso ona. Eta han juten zian zea itea, pruebak itea, ta zeak itea ta. Urtiak hola, gerra hasi arte.
- Ta ze ekintza, ze ekintza egoten zan ordun? Ze, ze aukera egoten zan, e, batzokiyan? Dantza 're bai esan dezu lehen?
- R.: Baita, baita.Baiña hori izaten zan batzokiyan ez, Emakume... zean.
- Batza.
- A.: Abertzaleen Baratza.
- R.: Han, han ikasten gendun dantza ta baita antzerkiyak 'e. Porke han, han genduzkan andereñuak eta haiek erakusten ziguen. Ahora, nik beharko ikasi, han, han, nere anaia, nere lehengusua, danak atzetik nazkan beti, ba! "Aizan, ikasi zan ondo hori, e!", "Ikasi detela!". Ikasten nitun nik Aita Guria bezela.
- A.: Ta asmatuta 're bai juten zanian hara. Asmatuta nola zijuan.
- Ta ze dantza egiten zenuten? Euskal dantza, noski.
- R.: Bai, euskal dantza. Bai andereñuan, eo andereñuan ni berriz...
- I.: Hilandera.
- R.: ...hilandera zeakin, gona gorriya, ribete berdia, blusa zuriya, eta geo zea bat...
- A.: Txalekua.
- R.: Txaleko berdia.
- I.: Korpiñua...
- A.: Kurpiñua beltza.
- R.: Kurpiñua beltza ez... berdia.
- A.: Bai, beltza. Alkandora zuriyakin.
- R.: Berdia!
- A.: Berdia al zan? Berdia?
- R.: Karo, berdia, "a juego con lo de la barra".
- A.: Bai, bai, bai.
- Eta ze, ze, ze dantza klase?
- R.: Hoi, zea ba, poxpoliñak iten duena, zea, arkuana, zintana. Mutillak izaten zian guekin, beste saiua, ta haiek ezpata-dantza iten zuen, makil-dantza.
- A.: Bai, horrek segitzen du uan 'e, e!
- R.: Bai.
- I.: Bai, uaiñ hartu du indarra horrek. Puskatian gabe eon gea, gabe eon gea.
- A.: Klaro, gerra denboran ta bukatu in zian danak.
- Gero frankismuakin, ta...
- R. I. A.: Bai, bai, bai.
- Orduan mutillak ezautzeko ta parada earra, aukera.
- R.: Mutillak! [...] dana mutillak zian! Fubolian ibiltzen giñan earki.
- A, bai, e?
- R.: Uuu, bueno!