Garbiñe Landeta Uriarte

Zamudioko Arteaga auzoko Olotze baserrian jaio zen eta gaur ere bertan bizi da. Ama bertakoa zuen eta aita San Antolin auzoko Olarea baserrikoa. Bost neba-arrebatatik laugarrena da Garbiñe. Lanbrantza handiko etxea izan da eurena eta beti saldu izan dituzte esnea eta ortuariak Bilbora. Elkarrizketa garaian ere, txakolina egiten ziharduten. Zamudioko bizimoduaz eta giroaz egin genuen berba beragaz egon ginenean, gerra kontuez eta gaztetako bizimoduaz.