Dotrina eta lehen jaunartzea

Pasarteak jarraian erreproduzitu

Hizlaria(k): Arrien Erkoreka, Jesus

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan SUK-002-011 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Dotrina don Juan Añibarro zeanuritarrak ematen zien. Astelehenez izan ezik gainerako egunetan izaten zuten dotrina. Egunen batean abadea falta izanez gero, postu egiten zirela dio, jolasteko aukera izaten zuten-eta. Lehen jaunartzea goizeko zortzietako mezan hartu zuen. Etxera bueltatu, txokolatea hartu eta hamaiketako mezara bueltatu behar ziren. Txarolezko zapatak eta marinel arropak jantzita egin zuen jaunartzea. Gauza gutxirekin pozik bizi ziren.

« Aurrekoa Hurrengoa »

Proiektua: Sukarrietako ahotsak
Elkarrizketatzailea(k): Nerea Goiria Mendiolea
Data: 2013(e)ko maiatzaren 02a
Iraupena: 0:01:17
Erref: SUK-002/011
Kodifikatzailea: Nerea Goiria Mendiolea
Gaia(k): Ohiturak eta bizimodua » Hezkuntza » Dotrina , Ohiturak eta bizimodua » Erlijioa » Sakramentuak

Transkripzioa

Dotriñie Don Juan Añibarro Zeanuriko semiek emoten oskun dotriñie, astelehenetan izan ezik egun gehixenetan. Ta falta zanien, ba, poztu eitten gintzezan, ta bertan olgetan ibiltteko ta bestie. Baia han elizpien banku zuzen baten hantxe jarriten gintzezan ta, bueno, hantxe hartu genduzen lehenengo... hori, erlijiño gauzek ta bestie ta lehenengo jaunartzie ta. Goguen dekot lehenengo jaunartzie ta goizien zortziretako mezan. Ta guretik elizara egongo diez... egongo direz, ba, hoixe, kilometro bat eta erdi edo- Ta, ba, bueno, goizien gure jaune hartun, etxin txokolatetxue hartun, ta hamaiketako mezara atzera. Ta hoixe dekot... Zapata txarolakaz ta mariñel jantzinde ta holantxe. Ta gauza gitxigez, baia pozik bizi gintzezen gu txikitten lehen. Bai, gaurko... bai, esaten daben moduen, “lo poco gusta, lo mucho cansa” ta gu ez, gu ondo, gauze gitxigez ondo bizi gintzenzan.

Egilea(k): Aiora Unzeta (Eibar BHI)