Soraluze (Gipuzkoa)

Gerra osteko egoera: errotak itxita...

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu: ahotsak@ahotsak.eus

Errotara Osintxura joan behar izaten zuten; inguruan errotaren bat zegoen, baina itxita. Baserrien izenak. Gauez errotara joan behar eta ipurtargia ikusi zuteneko anekdota.

Transkripzioa

- Gero e, irin pixkat jiratzeko be garixakin hamen ez euan inguruan errotarik. Errotia baeuan baiña zerrauta: legiak eren halaxe-ta, ez dakit zer.
Osintxura juan bihar izaten zan iriña ekartera. Eta juaten zan, ba, Osuma azpittik, Agarre-beisteittik, Gantxeitxoko goittik zihar astuak hartu, ta Osintxura.
Juan giñan hamar t´erdietan Juli ta bixok etxera eta amak eitten deusku eze: "Ai, ez jaukanau iriñik be ezer eitteko. Talo batzuk eitteko iriñik be ez jakanau ta… Horretxek gari-zorro bixok ihota bageunkanaz sikiera" esan euskun amak. Ta Juli ta bixok: "Geu juango gara. Bigar ordu bixetan zelan juan bihar dogun biharrera, ba... bihar goizian lo eitteko geu juango gara".
- Ze, gabian juan ziñan?
- Gabian, gabian. Bagoiaz Agarre-beisteittik harutz eta han baso baten, holan, argi txiki bat. Ene, ba! Linternia edo... "Zein ete da? Zein ete da?". Baiña juan ein bihar, haraiño juan ezkero astuokin, juan ein bihar...
- Buelta ezin ein berriro...
- Ezin buelta ein. Juan giñan, allegau giñan eta... ipurtargixa. Mamorro txiki batek ipurdixan argixa eukitzen dau... Ipurtargixa! Haura ikusi giñuanian pozik, "Ene, ipurtargixa!"
Gero, bi asto eren, asto gaztetxo bat eta zaharra zelai baten eta Julik eitten dosta eze: "Nati, honetxek astuok gaiñian jarteko hartu ein bihar jittunau guk". "Bueno, ni zaharran gaiñian e?" esan notsan. Juli gaztian gaiñian. Juaten jakon gaztia...
- Saltoka?
- Saltoka...! Ni zaharran gaiñian... Aspertu giñanian laga genduzen nunbaitten astuok eta... hala! Ene! Zenbat holako ibili, zenbat holako ibili eindakuak gara gu. Baiña irin pixkat jiratzeko be holaxe ibili bihar zan, holaxe ibilli bihar zan. Holaxe ba.
- Ta orduan zuk, amama, zuk asto zaharra, ez?
- Nik asto zaharra. Lehenengotik esan notsan, e? "Nik zaharra hartuko jonat, hik hartin txikixa".
- Ta bestia konforme?
- Juli bai, juan ein bihar...

Egilea(k): Benan Oregi

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia