Herrien ezizenak eta haien jatorria

Pasarteak jarraian erreproduzitu

Hizlaria(k): Telleria Ordozgoiti, Laureano

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan SEG-014-035 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Esaera zaharrak gogoan ditu. Inguruko herrien ezizenak aipatzen ditu. Segurakoei "zopajale" deitzen zaie; izen horren jatorria azaltzen du.

« Aurrekoa Hurrengoa »

Proiektua: Euskal Herriko Ahotsak
Elkarrizketatzailea(k): Itziar Pildain
Data: 2011(e)ko azaroaren 30a
Iraupena: 0:02:24
Erref: SEG-014/035
Kodifikatzailea: Eider Etxeberria
Gaia(k): Familia eta harremanak » Herriko giroa » Gaitzizenak

Transkripzioa

- Ta esaera zaharrik eta gogoratzen al dezu?
- Bai, esaera zaharrak... "Zuhurren poltsek bi zulo" eta... bueno, eon... Oain ez do... Honek ez dauke oain bere zearik, baiño gure garaien "Aste eder, jai kakatsu" esaten zan; asten dotore janzten zana jaien "no lucía". Aste eder, jai kakatsu.
- Beittu... Ta bazeon ba... badao ba "Seguran ta Zegaman..." ez, "Ataunen ta Zegaman, egunez ikusi eta gauez eaman".
- "Gauez eaman". Ta oain, beiz, enkanbio, esaten due "egunez ikusi ta seittun eaman" esaten due. Baiño holakok badie, bai, bai.
- Segurak ez zeuken holakoik?
- Bueno, Segurak... eukiko zon [...] igual. Hemen gero gaitzizenak dare: Seguran zopajalek.
- Zopajalek?
- Bai. Zegaman belak, Zeraiñen xaguk, Mutillon txerrigorrik, zean azak, Ordizin, Beasaiñen barak. Hori ze... [noizdik] datorren-ta ez dakit, baiño herri gehien-gehienak [dauzke hoik]. Txintxarrik, pikuk Legorretan, txintxarrik Alegrin, otsok... otsok nun die? Otsok Ataunen uste det diela. Hori nundik datorren ez dakit, baiño horik´e gaitzitzenak die, zeak zeuzkenak, herri bakoitzek zeuzkenak.
- Eta hemengok ze fama zeneukaten segurarrak?
- Bueno, esaten dute Seguran, e... zopajalek. Hemen zopea esaten da jatekoa, baiño ez do izan behar hori. Emen zan hemen garai baten maizter asko eta errentero asko etortzen zala honea dirue pagatzea ta hola. Hemen jokatzailek ikaragarri egon behar zuen, trebek o tranposok, ta jokun uste det dirue hemen kanpoko jendei kentzen ziela ta, ordun, ba, zopajalek. Zopea esaten zaio zuk zepo baten jana, benenoa, jartzen badezu, "zopea" esaten da. Juizio baten irabazten bazu, ohitturea da "ba, zopa earra jan ziok!". Jokun´e bai. Zuk irabazten diozu joku bat eta "a, zopea jan ziok". Ta, ordun, hortik datorrela. Oain, beste hok, xaguk eta otsok eta... ez dakit.
- Auskalo. Baiña zopajalenak badauke bere...
- Bai, bai, hola da [arrazoia]. Hemen zopea esaten da "la sopa", jaten dana, baiño ez det uste... Bueno.

Egilea(k): Maddi Ormazabal Sudupe