Lehengo etxe zaharretako tresneriak

Transkripzioa

- Eta zelakua zan zu umia ziñanian zeure baserrixa, baserrixa zelakua zan?
- Gure baserrixa? Neu jaixo nintzana? Ba, baserri zahar-zahar bat da hori. Zahar bat, oin arreglauta dakuei, etxia ederra indda dakuei baiña, orduan etxe zahar bat.
- Eta zelan zeuan, sukaldia eta zelakuak ziran?
- Sukaldia? Ba, sukaldia bastante ona euen, harlosia sukaldian, soruan harri-losia, harri-losa onak gaiñera egozen, Mikelete Etxe ondotik eta ekarrittako harrixak ziela esaten euen, bai.
- Eta sua?
- Sua, beheko sua.
- Ekonomikarik ez?
- Ez, ez ekonomikia ez, ekonomikia gero ifiñi zan. Honeik onddiok barrixak dira ekonomikok eta.
- Ni neuk betik ezagutu izan dot.
- Bai, zuk ezagutuko zeben baiña guk ez.
- Eta beheko sua ze zegoen, txoko baten, ezkiñan?
- Bai, batzuk erdixan be bai, batzuk erdixan eukitten euein, sukaldian erdixan sua.
- Bai, hori be entzunda nekan. Sukalde erdixan sua batzutan.
- Nik ikusitta dakot hori, baiña Euskal Herrittik kanpo. Burgosen eta hola.
- Ba lehenago, ni akordaitten naiz Antzuelasen be euki euen sua erdixan dala.
- Joño, han Aurreko Mendixen, e?
- Bai, Antzuelas jakingo dozu, ba, nun dauen?
- Bai, bai.
- Antzuelas etxietan edo Antzuelan?
- Antzuelasen, Antzuelasen.
- Idiazabaldik gora fanda.
- Bai.
- Eta gero kuartuak eta?
- Ba kuartuak eta be ahal dan modukuak.
- Eta ohiak?
- Ohiak be bai, ohiak oingo antzerakuak, oin beste lujokin ez baiña ohiak be, ba, ohiak.
- Koltxoia eta zelakua izaten zan? Ardi laniakin, edo?
- Bai, ardi uliakin inddakuak koltxoiak.
- Eta jergoiak? Jergoiak muelliakin, ezta? Holakotxe muelliakin.
- Alaba: azpixan arto-maskalakin […] indda.
- Baiña artian be gustora faten giñan ohera, gustora faten giñan artian be.
- Kantsauta.
- Bai horixe.
- Eta izarak liñozkuak esan dogu lehen, izaten ziran.
- Izarak ehunezkuak.
- Ehunezkuak. Eta ze izaten ziran, gogorrak ezta?
- Haik bakarrik be horrenbaten egoten zien zutik.
- Nik probauta dakot liñozko izarak eta dira, humedadia edo, oso gogorrak, ez dira nere gustokuak.
- Bai, gogorrak. Gustokuakin […] egoteko, haik gogorrak ziran ta. Haik hola indda hazka itten euein.
- Eurak hazka in, ezta? Eta orduan ez zan gaur egunian beste erropa eta halakuak.
- Ez, ez, orduan ez euen horrenbeste erroparik, orduan dauena jantzi eta biaje, ez zan egoten pentsaitten ze jantziko ete doten.
- Dauena. Eta oiñetakuak?
- Oiñetakuak, abarkak, eta astegunetan alpargatak, eta domeketan be bai alpargatak, eta zapatak entierruetarako ta, holakoxetan bakarrik. Corpus Egunerako ta.
- Kalera fateko.
- Bai.

Egilea(k): Aintzane Agirrebeña (Badihardugu Euskara Elkartea)