Kalera errekadutara

Transkripzioa

- Ta baserrixan, Gorordon esan dozu, Gorordo ezta? Jaixotetxian ganadu asko zekazuen?
- Asko ez, orduan ba lau bat behi eta euren txahalak, ta ardi batzuk, ardixak, eta ardizain ta in bihar izaten geben, domeketan be ez euen libertaderik, ardizain, edo zertanbait.
- Mezetara fango ziñain.
- Bai, mezetara bai.
- Hortarako baeuen libertadia.
- Bai, mezetara bai, mezetara goizian goiz jaikitta gaiñera.
- A, bai?
- Bai.
- A, gero lanak in ahal izateko?
- Bai, goizian mezia entzun eta gero lanak. Txikittan ikasi geben guk lanian.
- Txarririk eta eukiten zenduen?
- Bai, txarrixa, txarri bat eukitten geben urtian, urtian bat, hiltteko.
- Astua be etzan faltako.
- Astua? Astua be bageukan.
- Eta faten ziñan errekautan kalera?
- Bai, faten nintzan.
- Zapatuero?
- Ba, gehixenetan, zapaturik gehixenetan. Zer saldu gutxi eukitten geben ta, zerbait saltzeko bageukan saldu eta, diru gutxi hartzen geben eta eurak aguro gastaitten gittuen ta etxera.
- Ze eruaten zenduen, esnia? Esnia eruaten zenduen kalera?
- Bai zera, esnia etxian jateko lain euki ezkero pozik!
- Baiña arrautzak edo zerbait...
- Bai, arrautzak eta gazta banaka batzuk, udan ardixakin, ardi esniakin indda eta, holaxe.
- Eta frutarik edo kastañarik edo intxaurrik edo saltzen zeuein?
- Gaztañia bai, intxaurrik ez, intxaurrik e, arbola gutxi geukan ta, intxaurrik ez.

Egilea(k): Kepa Elortza