Nabarniz

Busturialdea eskualdeko udalerria da Nabarniz, Iluntzar mendiaren magalean dagoena. Arratzu, Ereño, Kortezubi, Aulesti, Mendata eta Ispaster ditu mugakide. Sei auzok osatzen dute herria: Ikazurieta, Intxaurraga, Uribarri-Zabaleta, Elexalde, Merika eta Lekerika. Nekazaritza, abeltzaintza eta baso ustiaketatik bizi zen herria izanik, industrializazio prozesuaren eraginez, baserriak hustuz joan ziren eta auzokide gazteenek inguruko herri handietara migratu zuten bizimodu hobe baten bila.