Soldaduek bildotsa kendu

Pasarteak jarraian erreproduzitu

Hizlaria(k): Agirregomezkorta Eizagirre, Juan Jose

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan MAR-052-002 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Ardizain zegoela bildotsa harrapatu zioten soldaduek. Frontea ere etxe ondoan zuten, Kalamuan. Beldur izaten ziren hango tiro-hotsa entzuten zutenean. Behin, errotara zihoala, zaldia kendu zioten arrebari.

« Aurrekoa Hurrengoa »

Proiektua: Markina-Xemeingo ahotsak
Elkarrizketatzailea(k): Ainhoa Etxazarra
Data: 2013(e)ko uztailaren 17a
Iraupena: 0:01:59
Erref: MAR-052/002
Kodifikatzailea: Ainhoa Etxazarra
Gaia(k): Politika » Gerra zibila (1936-1939) » Borroka , Politika » Gerra zibila (1936-1939) » Ondasunen galera

Transkripzioa

- Hoixe ondo ezautu naben, gerrie... onduegi! Ardi-zaiñen nengula, bildotsa be harrapau osten /harrapausten/ soldauek. Laster jun nitzen etxera! "Bildotsa erun dabe" ta "zeuri ez dotsue ezer ein?" esan osten /esausten/ amak. "Ez". Ba bildotsagaittik konforme. Baiña ni negar baten jun nitzen etxera. Hoixe, gerrie ondo ezautu naben nik! Frentie hementxe egon zan, Kalamuan, ta ni hortiko partekue naz, bista-bistan. Horko tiro-hotsa ta bilddurre, bai, e? Bilddurre... Han soldauek-eta ikusitte bilddur handixaz, ze [hiltzaillak] zila-ta esaten oskuen /esatoskuen/ ta umiei holakuk esan ezkero, badakizu, bilddurtu. Bilddurre akabo! Guk gaztetan pasetan gendun. Tiroteue edo, lantzin-lantzin, gabetan iguel. Handik dana entzuten zan, zaparradie, horkue. Bilddurre akabo! Bilddurre pasetan genduen...
- Ez zenduen urten etxetik?
- Ez, ez, ez! Ez gendun urten etxetik. Ha aparte euen ba.
- Eta ganaduek eta? Etxean egon ziren?
- Ganauek be danak etxien egon zien, bai.
- Ez zien pasetan batzuetan milizianuek ganaduek kentzean jenteari?
- Bilddurre bai, kenduko oskuezela-ta esan be bai. Pixkat ezkutuen-ta eukitten enpeñetan giñen. Baiña ez! Ez oskuen /eztoskuen/ holakoik ein. Holakoik eitta orduko aldetie suertau zan milizianuok, eta ez jakun /etxakun/ ezer suertau. Erun oskuena /eruskuena/ zan biherrako kaballo bat. Arrebie jun zan Bariñara, errotara, ta soldauek harrapau otsen /harrapautsen/ han kaballue, biherreko kaballue. Haxe erun oskuen /eruskuen/.

Egilea(k): Xabier Larrañaga Gisasola