Urdetik urdekirat

Pasarteak jarraian erreproduzitu

Hizlaria(k): Mendiburu Elizalde, Angèle

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan MAK-002-028 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Urdea zuritzeko etortzen ziren laguntzera auzoak. Egiten zituzten puska guziak (odolkiak, lukainkak, andoila…) auzoen artean partekatzen zituzten. Puska hobeak, aldiz, apezari eramaten zizkioten.

« Aurrekoa Hurrengoa »

Proiektua: Euskal Herriko Ahotsak
Elkarrizketatzailea(k): Joseba Erremundeguy
Data: 2012(e)ko abenduaren 05a
Iraupena: 0:02:55
Erref: MAK-002/028
Kodifikatzailea: Peio Dibon-Elissiry
Gaia(k): Familia eta harremanak » Herriko giroa » Auzokoen arteko harremana , Baserria » Baserriko lanak » Abere-hiltzea

Transkripzioa

- Txerri hiltzea, urde hiltzea, erran nahi dut, ze egiten zen, ze, nola, nola prestatzen zen hori?
- Ba, ba, auzoak jiten ziren normalki, bazen laguntza bat, aitaan laguntzeko ta mutilaan laguntzeko baziren bizpahiru gizon. Eta gero zerri... urde-hiltzalia bazen, hura’re auzo bat zen. Eta gu, haurrak, ez giniin biziki maite, e? egoitia: ari zen /aizen/ gure urdia kurrinkaka, eta gero baginiin auzoko gizon bat, urde-hiltzalia. Oino, badakizu zer egiten ziin gizon hark? Hartzen ziin kaniita ta oino zeinatzen zen bere urdia hil aitzin. Guti xifritüa gaixo animalia haan kurrinkaka aditzen, eta harrek oino arta hartzen ziin zeinatzeko! Bon, horiik haurrekiko istorioak dira.
- Eta gero horrekin zer iten zen: xingarra, odolkia...?
- Denak iten ziren gero, alaainan, badakizu nola iten den: urde, urdia mozten duzu ta partikatzen duzu. Egunian berian iten ziuzten odolgiak. Eta gero lukinkak biharamunian iten ziren. Behar zen utzi lehenik hura gazitzen, lukinka-geiak, ta gero lukinkak biharamunian, ta idortzen uzten ziren, bo! izigarri luzia da istorioa hori…
- Ta xerri puxken izenak eta?
- Xerri puxken izenak, euh, gero auzoekilan trukatzen ziren e, maiz.
- Baina izenak, zer izen zuten xerri puxkek? Oroitzen zira? … Odolkiak…
- Odolgiak eta lukinkak eta andoila’re bazen…
- Patea iten zen?
- Eta gure etxian iten zen ba, patia, ere. Bainan gero andoila hura ‘re noizpait artio badakit xukatzen aritzen /artzen/ zela… eta gero partikatzen, auzoekilan trukatzen ziren urdiki poxiak. Auzoek emaiten ziuzten, ziuztelarik, jastatzeko, eta gero, bada biziki ona dena, xerrikian, azpixuna deitzen da…
- Azpixuna?
- Azpixuna, ba. E ben, hura maiz emaiten zen apezari.
- Harek puxka hobeak…
- Jendeen idera. Ordüan hola zen, e? Uste dut emaiten zen errienteri’re denbora hetan odolgia.
- Ta gero, ze, saiheskia ere iten zen?
- Saheskia? Bai saiheskiak ere idortzen ziren, orain "ventrècha" deitzen dute hemen jendek. Hori artekia zen hori. Eta gero baziren espaldak eta baziren azpiak.
- Ta zerri-burua ta hori prestatzen zen?
- Hori denak, alabainan, horik denak horik, odolgietan baliatzen ziren batzuk, besteak, xerrien beharriak, hek’e noizpait bestela jaten ziren. Ni ez nintzen biziki okupatzen e, hortaz.