Ameriketako egonaldia

Estatu Batuetako Baltimore Bays taldera joan zen urtebeterako. Futbol amerikarra jokatzen zen zelai berbetan jokatzen zuten beraiek ere. Alde batetik bestera desberdintasun handia egoten zen eta hegazkinez mugitzen ziren batetik bestera, Carmelorentzat hori izan zen bertako txarrena. Behin -9 gradu izatetik 38 gradu izatera pasatu ziren partidu batetik bestera. Los Angeleseko hotel batean Robert Francis Kennedy, AEBko presidentea zenaren anaia, hil zutenean, bera hotel berean egon zen. Urtebetegarrenean, kontratua luzatzeko aukera izan arren, etxera bueltatzea erabaki zuen emaztea eta semeak bertan baitzituen zain.