Ainara Ortega Barrenetxea
Hernani (Gipuzkoa) (1980)
Biografia
Hernanin jaioa, guraso biak bertakoak ditu, biak musikariak. Gurasoek Ainara eta bere ahizpa umetatik bultzatu zituzten musikagintzara. Donostiako Axular lizeoan ibili ondoren, Ainarak bibolin ikasketak egin zituen Donostiako Kontserbatorioan. Hango giroa hertsiegia egin zitzaion, eta Psikologia ikasketak egiten hasi zen; hirugarren urtean zegoela, Musikeneko I. Jazz promozioa sortu zen, eta hantxe sartu zen. 2000. urtetik 2004. urtera Mac Jearas´s Band taldeko abeslaria izan zen, eta ondoren Iñaki Salvadorrekin emanaldiak egiten hasi zen. Hainbat musikarirekin jardun du elkarlanean, batik bat jazzaren alorrean. Bakarka 2015ean "Scat" diskoa plazaratu zuen eta 2019an "Onin". Aktore moduan ere aritu da hainbat urtean, antzerkigintzan bereziki. Elkarrizketan besteak beste genero-ikuspegia jorratu dugu.
Zintak
| # | Kodea | Data | Iraupena | Proiektua | Elkarrizketatzailea(k) |
|---|---|---|---|---|---|
| HER-072 | 2022 | Euskal Herriko Ahotsak | Idoia Etxeberria |
Pasarteak
Hiztun honen materiala landuta dago eta hauek dira oraingoz aztertuta eta katalogatuta ditugun pasarteak. Bideoa edo transkripzioa duten pasarteek ikonotxoa dute
