Bernarda Larrea Asua

Galdakaoko Urtebieta izeneko baserrian jaio zen eta gero Bengoetxeko Usabo baserrira ezkondu zen. Bost urte zituela, aita Dinamitako leherketa batean hil zitzaion. Ama, ostera, obus batek hil zuen gerran Artzentalesen ebakuatuta zeudela. Beraz, oraindik umea zela geratu zen umezurtz. Hala ere, zazpi urte nagusiagoa zen ahizpak bete zuen gurasoen lekua. Bizimoduaren gorabeherak zirela-eta, era guztietako lanak egin zituen umetan Bernardak: esnea banatu, uretan joan, etab. Hala ere, egunero bidali zuen amak eskolara. Errepublika garaiaz, Gerra Zibilaz, eskolaz eta etxeko giroaz egin genuen berba berarekin egon ginenean, besteak beste.