Arabatik ganadua ekartzen

Pasarteak jarraian erreproduzitu

Hizlaria(k): Fernandez de Arroiabe Pagoaga, Pako

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ESK-053-003 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Ganadua Arabatik ekartzen zuten, haragitarako. Esne behia ere bazuten. Aita joaten zen, eta bera harekin, zaldiarekin. Arrasateko hiltegira eramaten zuten, eta Aramaiokora. Zortzi urterekin nola joan zen.

« Aurrekoa Hurrengoa »

Proiektua: Deba Eskualdeko Ahotsak - Eskoriatza.
Elkarrizketatzailea(k): Kepa Elortza
Data: 2009(e)ko apirilaren 28a
Iraupena: 0:03:26
Erref: ESK-053/003
Kodifikatzailea: Idoia Etxeberria
Gaia(k): Baserria » Baserriko lanak » Herrira saltzera, erostera , Baserria » Baserriko lanak » Baserriko animaliak

Transkripzioa

-Zuek etxian ganaurik eta eukitzen zeben? Zeuek etxian ganaua hasi?
-Ez, ez. Ganaua Arabatik jeneralmente ekarri, erosi eta etxian behi bat etxerako, esnerako, bai. Baiña bestela bestiek "para carne".
-Aittak eitten eben tratua ganauakin okelatarako saltzeko.
-Araba aldetik ekarri ta gero hemetik gehixen Mondrauera. Neu ibiltten nintzen, mutikua, ha eruten. Gure aitta faten zan ba pixurako, bizikletan faten zan.
-Txalak izengo zien, ezta, ixkuak ero?
-Bai, txahalak, "terneros de 250 kilos o una cosa así. De 200 para arriba".
-Eta horrek zela eruan, sokan?
-Kaballuaz, atzetik.
-Ze atzetik eta gero libiran...
-Ez, ez. Kaballuaz lotu ta kollaronaz, lotu ta berak erueten zitttuen (...).
-Zenbat eruaten zittuen aldiko?
-Bi, bi jeneralmente. Bat be bai baiña bi normalien. Mondrauera goxien. Ordu bi inguru itten gittun. Eta askotan Mondrauera eruan eta gero han mataderixan: "Hau Aramaixora erun bihou". Aramaixora gero, kamiñoik kamiño.
-Txal hori berori Aramaixora?
-Bata edo bestia. Bi eruan eta bat bestaldera erun biha zala. Handik berriro Aramaixora. Gero Aramaixon jarri zaldixan eta harek baekixan nundik etorri biha zan.
-Hori zenbat urtekin?
-Hori lelengo ein neuena con ocho años. Gure aittak ifiñi hor Zarimuzko bidian eta hortik ba Aramaixora. Ni sekula pasau barik neguan. Hor, Zarimutz, egon za sekula?
-Bai, buelta bat eitten.
-Faten nintzen bost urtegaz eskolara faten nintzen Zarimutzera.
-Zarimutzera?
-Bai. Eta gure aittak ifiñi hor beheko kamiño eskiñan ipiñi kaballuaz eta bueno, zuk segidu, kaballuai segidu. Ta Aramaixora. Handik gora sekula pasau barik eta bidian negar eiñ da. Danba-danba, kaballua joango dala, e, kaballuai jarraiketako ta. Bi zekor atzian diela ta dinbi-danba, dinbi-danba. Eta Aramaixora kalera sartu nintzenien, e, joño!, hauxe izengok Aramaixo. Sekula egon barik.
-Bost urteko umia?
-Zortzi urtegaz. Da han gizon bat, gizon bat etorren kalien gorutza, eta esan nutsen: "Zu, hemen mataderixia nun dau", ta. Haretxek bialdu, harek ezautu gure aitta. Bai, kaballua, bajakixat nik hori kaballuoi zelakua dan, eta hik jarraittu kaballuai. Danba-danba-danba, eta halako baten plazara aillegau zan da, geratu zan kaballuoi, begiratu neban bentanatik eta hantxe mataderixia. Behixen, ganauen zer hori eiñ, jarri kaballuen da ezebez esan biharrik be ez, jarri gaiñien eta dipi-dapa etxera. Ha zan, terriblia zan.