6.000 errealen zain

Antonio Ameriketan 7 urte eginda itzuli zen Errigoitira eta Zabaleko baserrira ezkondu zen Julitaren amarekin ( Zabaleko Klaudia Arrien Garai). Errigoitin zahartzaroan ere Antoniok oraindino buruan zituen lekeitiarrak zor zizkion 6.000 errealak, eta behin Errigoitiko medikuak, Don Mariok, Gernikan amerikanu batek beragatik galdetu zuela eta berarekin egoteko gogoa zuela eta amerikanu harekin egoteko Gernikara berak eramango zuela esan zionean, Antoniok 6.000 errealak zor zizkion lekeitiarra izango zela pentsatu zuen, eta lekeitiarra dirua itzultzeko zetorkiola. Baina etxekoek iragarri zioten moduan, ez zen hala izan. Etxera heldu zenean, ea nor izan zen amerikanu hori galdetu zioten etxekoek barreka. Beste lagun bat izan zela erantzun zien Antoniok, eta etxekoek barreka erantzun: “Bai horixe! Ez ha 6.000 erreal zor izan deutsuna ez da izan hori!”.