Gerra Zibila piztu zenekoa

Jesusek beldurrez jaso zuen gerra piztu zeneko abisua. Beldurrez eta hemezortzi urterekin. Hamarretik zortzik ihes egin zuela dio, izututa, Txikierdin eta Jaizkibelen zegoelako frontea. Gerra hasi, altxamendu militarrarekin, eta greba orokorra aldarrikatu omen zen. Jesusek gogoan du larunbatez lana utzi eta ez zela fabrikara zortzi urtean itzuli. Gerrak lau urte iraun bazuen ere, beste hainbeste behar izan zuen Jesusek fabrikan sartzeko, nazionalekin borrokatutakoek izaten baitzuten lanpostuetarako lehentasuna. Bestalde, gerrak iraun artean, Errenteriako fabrikak armamentua egiteko baliatu zituzten nazionalek.