Pedro Muguruza eskola publikoa euskaldundu zenekoa

Pasarteak jarraian erreproduzitu

Hizlaria(k): Segundo Armero, Andoni

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan EGB-123-015 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Pedro Muguruza eskola publikoan irakasle euskaldunak sartzen hasi zirenean, lehenago zeuden irakasle erdaldunak, jatorrizko herrietara itzuli ziren. Euskalduntze prozesua bi urtekoen gelatik hasi zen.

« Aurrekoa Hurrengoa »

Proiektua: Euskararen historia soziala Elgoibarren
Elkarrizketatzailea(k): Aintzane Agirrebeña
Data: 2022(e)ko azaroaren 29a
Iraupena: 0:02:16
Erref: EGB-123/015
Kodifikatzailea: Arianne Unamuno
Gaia(k): Euskara » Euskalduntzea eta alfabetatzea , Ohiturak eta bizimodua » Hezkuntza » Eskola

Transkripzioa

- Esan doguna, zuek hasi ziñaten ya guraso bezela D eredua lortu nahian eta zer gertatu zan... hasi ziran irakasle euskaldunak etortzen eta hango irakasliekin zer gertatu zan? Euskaldundu ziran edo...?
- Ba ez. Alde batetikan ya nagusiak ziran. Eta, gaiñera, ba, bueno, lortu zuten –puntuazio nahiko altua zuten eta– lehiaketa.... Zelan esaten da? Leku-aldatze lehiaketan lortu zuten bere probintzietan edo beste lekutan… hau da, bueltatu zian jatorriko... jatorrizko herrietara.
- Orduan, eskolia berritu in zan guztiz, ez?
- Guztiz, guztiz, guztiz. Elgoibartar batzuk ere ya sartu zian eta, enfin, hasi zan… Prozesua, ba, pentsau, ba, 6-8 urte zian EGBn gehi 2 eskolaurrian, ba, 10 urteko prozesua izan zen.
- Pixkanaka-pixkanaka, ez? Nundik hasi zan euskalduntze-prozesu hori, Haur Hezkuntzatik?
- Klaro, klaro, 2 urteko gelatikan.
- Behetik gora juan zan.
- Behetik gora, klaro. Behetik gora. Allegatu zan, adibidez, ba, azkenengo urtia izan zen, ba, euskeraz ez zekiten irakasleak bizpahitru ziran eta gelditu zirenak azkenenego kurtsoakin, bukatzear zegoen kurtsoakin. Baiña sasi-baztertuta, ez?
- Eta gero, hori, irakasliena esan dogu, baiña gero materiala ere lehen dana gaztelaniaz egongo zan, irakasgaiak euskeraz...
- Bai, ba, prozesua paralelo... ikastolan egin zan bezala, ez? Ba paraleloa. Klaro, aurrera jun ahala, bai liburuak, materiala, apunteak... Eta ohiturak, adibidez, irteerak edo bisita didaktikuak eta...
- Hori da. Dana.

Egilea(k): Aintzane Agirrebeña (Badihardugu Euskara Elkartea)