Elgoibar (Gipuzkoa)

Jendea diruz larri soldadutzan

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu: ahotsak@ahotsak.eus

Diruarekin ibiltzen zen gaizki jendea soldadutzan. Batzuetan pospolo bakar batekin zigarro mordoa pizten zuten dirua aurreztearren. Berak ez zuen diru-arazorik izan, baina beste askok bai. Etxetik dirua bidaltzen zieten, baina segituan tabakoan eta edanean gastatzen zuten. Soldadutzak jendea alpertu egiten duela dio.

Transkripzioa

- Dirua jartzen zan hartzeko gaizki dan jendia; diru […], ezkondua ere asko ta etxian igual andria ta umiak eta… zelan bialduko jauan, ba, dirua hari? Han bertan eguneko ez dakit ze pagatzen zuan, pezetia edo zuan eguneko, tabakotarako lain ez! Orduan erre eitten genduan ta…
- Bai? Erre eitten zendun orduan gaztetan?
- Orduan erretzen najuan, bai; gero laga najauan, oin dala hamar bat urte laga najauan, baiña... oin noizbehin puru banakan bat edo, baiña ez juat erretzen oin. Ta... Han orduan bai. Han, e, han tabakorik soldauak tabakorik ez jok eukitzen...! Surik... Igual, pospolo bat ixutu, zigarrua ixutu bati ta handik larogei zigarro igual ixutu: bata bestiai, bata bestiai, bata bestiai kuartelian. Ze poltsikuan euki, la ostra… Dirua, dirua ez juan eukitzen ezta, ezta… soldauak... bai. Ta askok, gaiñera, diruripe ta gaur alleatzen jakuen girua igual: hiru durokua, hamar pezetakua igual. Erten kalera ta dana ziok gastauta ta bate be jun etxera itten juan askok. Ni hola bate be sekula ez nitzuan eon, baiña batzuk bai ibiltzen […] eske: "Hi, lagako diaz bi pezeta? Lagako diak duro bat? Lagako diaz…" ta laga, baiña bueltarik ez zuan egoten!
- Klaro, lelenguan bai, baiña bigarrenian…
- Gero esaten juen: "Girua etorrittakuan emango dizut, emango dizut girua etorrittakuan", ta girua juten jakuen baiña, kalera juten zittuan ta tabakua ta txurrustian gastatzen jaittuen ta akabo, bigarren egunerako zentimoripe, tabako eske berriz ere. Jentia asko e! Jente gaiztua asko juntatzen dok. Soldaua, soldaua alperra jartzen dok. Neu [jarri nitzuan alperrena uste juat], neri han lana eittiak ematen [...] pena.

Egilea(k): Ane Odria

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia