Miren Vallejo Arriaga

Errosario kaleko Vallejonekua etxean jaio zen. Aita, sestaoarra, bost urterekin etorri zen Elgoibarrera; ama elgoibartarra zen. Lau anai-arrebatatik zaharrena izan zen Miren. Aitak forjan lan egiten zuen eta amak Peñalba espartin-tailerrerako josten zituen espartinak etxean, Mirenek lagunduta. Hiru urterekin eskola txikian hasi zen ikasten, euskaraz ; sei urterekin publikoetara pasatu zen eta erdaraz jaso zituen eskolak. Hamahiru urterekin gerra hastearekin batera, eskolok bukatu ziren. Anjel “Mutriku” eta Antonio Manterolaren zuzendaripean, antzerki lanak egiten zituzten batzokian. Urte askotan jarraitu zuen antzerkia egiten; kale antzerkiak ere egin zituen, Eztei Zaharrak, senarrarekin batera. Hamabost urterekin Valenciaga tailerrean hasi zen lanean; gero “Alcorta y Cía”n jardun zuen ezkondu zen arte. Pako Juaristi “Txitxarrokua”rekin ezkondu zen Txitxarrokua etxera. Elkarrizketetako batean Mirenen koinatua Bitor Arrieta ere egon zen. Bestea kantu eta jolasak jasotzeko egin genion, eta bere ahizpa Maite ere azaltzen da tarteka.