Baltsean ibiltzeagatik Kongregaziotik botatzeko arriskua

Pasarteak jarraian erreproduzitu

Hizlaria(k): Zabala Egues, Maria

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ELD-001-010 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Kongregazioaz hitz egiten du. Baltsean ibiliz gero zinta morea jartzen zien eta ondoren kongregaziotik kanpora botatzen zituzten. Neskame ibiltzen zirenek ederki zekiten baltsean. Behin baltsean ibiltzeagatik abisua eman zieten sakristiara joateko eta Kongregaziotik botako zituztela esan zieten; zinta morea ez emateagatik ez ziren Kongregaziora joaten.

« Aurrekoa Hurrengoa »

Proiektua: Euskal Herriko Ahotsak
Elkarrizketatzailea(k): Miren Artetxe
Data: 2009(e)ko azaroaren 12a
Iraupena: 0:01:53
Erref: ELD-001/010
Kodifikatzailea: Karmele Arteaga
Gaia(k): Ohiturak eta bizimodua » Erlijioa » Elizarekin lotutako pertsonak , Ohiturak eta bizimodua » Erlijioa » Eliza giroko ospakizunak , Ohiturak eta bizimodua » Erlijioa » Elizaren jarrera

Transkripzioa

- Ta kongregaziyuak-eta bazian ordun?
- Kongregaziyuak-ta bai. Txintxo ibiltzen zan ordun kongregaziyoko jendea. Ta baltsen-ta ibiltzen bagiñen, berriz, aurreneko egunen zinta morea, ta hurruna berriz’e ibiltzen bagiñen, fuera kongregaziotiken! Ta beste kongregazion aurren hola denak errenkan [sillen] jarri ta han eoten giñen. Batzuk goitik behera ta bestek zeharka elizen. Ta hala, ni ta beste bat ibili giñen balsen. Baltsen jakin ez, ta ibilli. Bestek ikusten giñun ta! Neskame juten zien neskak etorri ta haik bai earki! Ta gu inbirin-ta ibiltzen giñen. Baltsen hasten giñen ta… Hala, baltsen genbintzela, ta, abisoa. Ta baltsetik [geldittu] giñenen, neska txoro batzuk bazien hor, ta zea juteko, sakristia juteko. Ta sakristin esan zuen, hor ziela maixtrak, maixtrak juten zienak, gure maixtrak, “Hok die —apaizai esaten zien— baltsen ibili dienak hok die”, ta “Baltsen ibiltzen bazeate, koregaziotik fuera, e! Ta oain ibili zeatelako zinta morea eman beharko dezue”. Ta zinta morea ematea lotsa zan, ta bat’e ez giñen juten kogregazioa orden. Bat’e ez jun, hoixe. Baiño ordun komunioa bai jun, komunio hartzea bai jun, baiño kongregazion ez giñen jartzen. Libre! Ta holaxe ibiltzen giñen.
- Ta kongregaziyuan meza zan garaian beste eliza batea juten ziñaten o ze iten zenuen?
- E?
- Kongregaziyoa ez juteatik ze iten zenuen, aparte jarri, ondon?
- Bat’e ez, lehengo tokin, lehen jartzen giñen eozein tokitan jarri itten genun orden. Hola.

Egilea(k): Alaitz Urkizu Elizetxea