Lehengo eta gaurko irakaskuntza

Transkripzioa

Honbre, proiektu eta... Egixa esan, indarra daken proiektu asko sartu diraz, metodologia berritzaile pilla bat, pentsa… pentsakera desberdiñak, ez? Korronte pilla bat. Baiña oraindik, nik uste, finkatu barik daozela. O sea, daoz pentsalari asko, daoz ikuspegi asko; baiño oindiokan lekua topatuko ez balute moduan, ez? Poliki-poliki txertatzen diazenak. Baiña, karo, egun batetik bestera aldaketa guztiak ezin diraz emon. Egixa da jente askok siñisten dabela –ez?–, bueno, hezkuntza-planteamentu berri baten, eta hori da, nik uste, hezkuntzak gaur egun dakan indarra. Ez? Ba jente berrixak, belaunaldi berrixek jaso dittuzten ideia berri hoiek –ez?– moldatze aldera eitten dutela. Baiña... baiña, bueno, poliki-poliki emango dan zeozer dala, ez? Iraultza ez da emoten halako egun baten bezperaz antolatuta daolako. Hori, bueno, ba, lanketa baten ondorioz eta denpora baten... Ba denpora da beti lagun, ez? Denporakin hartu bihar diraz gauzak, lasai eta... eta bueno, ba pausoz pauso. Ezin da izan igande baten altzau eta astelehen arratsaldian mundua hankaz gora jartzia, ze, bueno, hori ez da erreala, ez? Iñork ez luke onartuko eta norberantzat be kaltegarrixa izango litzateke. Baiño... Baiña, bueno, bai, nik uste, jende gaztiak siñisten dau eta gaur egun irakaskuntzan aktiboki daozenen kopuru haundi batek be bai horregaittik eitten dabela apostu. Orduan, ba, nik uste, hezkuntza –ez?– dan tresna garrantzitsu horrekin gauzak, behintzat, bueno, aldatu ahal diazela.

Egilea(k): Naiara Landakorta (Eibar BHI) , Kairo Muguruza (Eibar BHI) , Nahia Zabala (Eibar BHI)