Karakatera telefono haria igo zutenekoa

Pasarteak jarraian erreproduzitu

Hizlaria(k): Arana Barinaga, Agustin ; Arriola Garate, Bartolo

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan EIB-046-007 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Karakate mendira telefono haria igo zuten, horrela, hegazkinak noiz zetozen abisua eman ahal izateko. Eibarren Telefonica zegoen; indartsua zen, gainera. Gipuzkoa izan zen telefono-haria zabaldu zuen lehen lurraldea. Zuhaitz batetik bestera haria lotu eta Karakateraino igo zuten telefonoa. Gaua pasatzea tokatzen bazitzaien, goizaldeko ihintza aprobetxatu, eta garo artean hartzen zuten dutxa.

« Aurrekoa Hurrengoa »

Proiektua: Eibarko ahozko ondarea
Elkarrizketatzailea(k): Asier Sarasua Aranberri
Data: 2008(e)ko apirilaren 07a
Iraupena: 0:01:38
Erref: EIB-046/007
Kodifikatzailea: Ane Sarasketa
Emalea: Asier Sarasua Aranberri
Gaia(k): Herria, azpiegitura » Berrikuntzak » Aparatuak, objektuak , Politika » Gerra zibila (1936-1939) » Borroka

Transkripzioa

-Agustin: Gero Karakatera linea ipiñi genduan guk, argixa, zera, telefonua.
-Bartolo: [Maltzaga] gaiñian badaok pa Karakate.
-Agustin: Telefonua ipiñi genduan guk hara. Abioia entzutzen genduanian telefonua zentralera. Eta honek [...] kanpaiak joten zittuen.
-B: Kanpaiak joten zittuen orduan abioiak bazetozela aitzen emoteko.
-Drauna?
-A: Drauna ta.
-Telefonua zela igo zenduen? Harixa goraiño?
-A: Harixa goraiño. Orduan euan, Eibarren euan harixa eta telefonikako asuntua euan, almazenak baiña terribliak eren. Orduan usten dot Gipuzkuan ipiñi zala lelengo telefonua.
-B: Telefonua Españako probintzia Gipuzkua izan zuan lelena bera. Diputaziñuana zan telefonikia ta.
-Eta Eibarren be bazeuan telefonikia?
-A: Eibarren elemento asko euan telefonikakua eta lineia botatzeko. Baitta hamar linea be botako genduzen hor [elementuekin].
-Harixa hartu eta...
-A: Bai ba, arboletan lotu ta goraiño.
-Eta? Han ze? Hiru-lau lagun alkartzen ziñazien?
-A: Bai, txabola ba ein genduan da han egoten giñan. Abioia etorrenian ba telefonoua jo ta akabo. Eta ez euanian ezer eta euri pixka edo nahiz ta egualdi ona egon, garua bakizu zer dan garua? Garua holako, gu baiño altuao izaten zan, da goixian ohetik jaikitzen giñanian hantxe hartzen genduan dutxia. Garo artian joan eta ri-ra-ri-ra! Hantxe hartzen genduan dutxia intzakin.
-Intza, intza.

Egilea(k): Juan Martin Elexpuru (Badihardugu Euskara Elkartea)