Hezurrak apurtu eta Hipolita hezur-konpontzailea

Pasarteak jarraian erreproduzitu

Hizlaria(k): Basauri Arteaga, Serafin

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan EIB-027-004 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Armeria Eskolan ikasi zuen. Etxetik eskolara korrika jaisten zen, saltoka, eta bost minutuan jaisten zen, Legarre gainetik behera. Behin eskumuturra apurtu zuen eta Hipolita hezur-konpontzaileak osatu zion. Eibarko ezagunena bera zen, Isasi kalean bizi zen.

« Aurrekoa Hurrengoa »

Proiektua: Eibarko ahozko ondarea
Elkarrizketatzailea(k): Asier Sarasua Aranberri
Data: 2008(e)ko urtarrilaren 10a
Iraupena: 0:01:44
Erref: EIB-027/004
Kodifikatzailea: Asier Sarasua Aranberri
Emalea: Asier Sarasua Aranberri
Gaia(k): Ohiturak eta bizimodua » Hezkuntza » Goi mailako ikasketak , Ohiturak eta bizimodua » Osasuna » Medikuak eta sasimedikuak

Transkripzioa

-Nere etxetikan eskolara bost miñutuan itten najuan nik, nere etxetik Eskola Armerixara. Bost miñutuan. Saltoka, bueno, goittik behera, bo! Sasoia be sekulakua orduan-ta, bueno, bueno! Eta trenbidia pasau, han salto behetik holako horma bat jeuan ta; horma gaiñera igo, salto ta bueno. Hantxe apurtu najuan; apurtu ez, eskubitxurra soltau jatan. Etara, eskumuturra etara, ta gero zerana Hipolitagana, haxe zuan hazur-konpontzaillia. Harek krik-krak!, halako indar batzuek ein, sartu ta bueno. Aurrera.
-Hipolita esan dozu?
-Hipolita.
-Hazur-konpontzaillia zan?
-Bai. Oso. Isasikua. Isasixa. Hipolita. Ha emakume gogorra zuan, eskuak eta gogorrak... Unguento batzuek ardauakin-ta eitten jittuan. Oin nik ez jakixat nik, ez jakat nik goguan. Baiña haretxekin konpontzen giñuan.
-Medikuakin baiño gehixago?
-Bai, hazurra etarata euanian-ta Hipolitagana. Bestela ba...
-Besterik holakorik bazeuan? Sasi-mediku ta...
-Ez. Hipolita zuan famosia Eibarren.
-Eibartarra?
-Bai, bai, eibartarra. Isasixan jekan. Ni beste bi bider egonda naok eta horretxeaittik jakat nik goguan Hipolita. Joe, bai gizona!

Egilea(k): Juan Martin Elexpuru (Badihardugu Euskara Elkartea)