Elkartasun handia Eibarren

Transkripzioa

- Baiña ez garazenak txarrak Eibarrek ejenplo asko euki dittu, asko eta asko. Bat, esango neuke, hamen egon danian Ospittalerako egin bihar dala edo zeozertarako egon bihar dala dirubatzia, musikiak urtetzen zeban, banda osuak, eta izara haundixegaz laurek hartuta iskiñetatik, kalerik kale juaten zan eta diru mordua batzen zan. Edozer espektakulo benefizienziarako, Ospittalerako zala, diru mordua batzen zan. Herri batzuek hamen… Bat akordatzen jata, bueno entzuna hobeto esanda: Ondarruan behiñ itto ziran hamazazpi gizon. Eta Eibarrek lagundu zetsen háreri herri baten eta bestian dirua batu eta bialtzen. Gero, eurak ondarruatarrak be guri asko lagundu zeskuen, iñoiz hamen krisisak egon ziranian geuri bialtzen euren arraiñak. Bilbon egon zanian huelga haundi bat, minetan, hamen berrogetak mutillak egon ziran Eibarko etxietan, denpora askuan, ez egun bat eta bi. Amaittuta be oindiokan huelgia, hamen segidu zeben eta mordo bat geldittu ziran betiko. Eta Madriden be egon zan, 34 inguruan, huelga bat eta handik be berrogetak etorri ziran eta hamen famelixak Eibarkuak hartu zittuen hárek umiak eta hamen egon ziran. Eta han be, madrittar batzuk hamen geldittu ziran. Eta hori egitten daben herri bat zelan izango da txarra!
- Nik esango dizut Valdepeñasen uholdeak izan ziren eta han dago jarrita letrero bat “Eibarri eskerrak emanez”, eibartarrek lagundu zietelako.
- Ez nekixan nik hori. Baiña esaten detsut, gauza mordo bat esaten detsut, eibartarrak famia eukin dogula, baiña alde batetik etorrittako famia, euron kontra egin gendualako, euronak ez giñalako.

Egilea(k): Eukene Lamariano , Oier Narbaiza