Agiñaga

Eibarko auzoa da, baina geografikoki Lea-Artibai ibarrean dago, Ixua mendatearen beste aldean. Historian zehar auzo beregaina izan da, bere eliza, kanposantu eta eskolarekin. Bizkaiko inguruko auzo eta herriekin ere harreman estua izan du eta horrek eragina izan du Agiñagako hizkeran, Eibarko ezaugarriak izan arren, "bizkaitarragoa" delako. Hala ere, Eibarko ezaugarri nagusiak gordetzen ditu, auzoak ez duelako sekula galdu Eibarrekiko lotura (are gutxiago azken mendean). Guztira 25 baserri inguruk osatzen dute auzoa.