Donostia (Gipuzkoa)

Lehen emaztea erditzean hil zen

Lehen emaztea erditzean hil zen 1962an ezkondu zen lehen aldiz. Burgoskoa zen emaztea, Oñakoa. Erditzean haurra eta ama hil ziren. Sendagilearen akatsa izan zela uste du. Bigarren emaztea errezildarra da, eta bi alaba dituzte.
Tamaina:
1962an ezkondu zen lehen aldiz. Burgoskoa zen emaztea, Oñakoa. Erditzean haurra eta ama hil ziren. Sendagilearen akatsa izan zela uste du. Bigarren emaztea errezildarra da, eta bi alaba dituzte.

Transkripzioa

- Nun ezagutu zenun zure emaztea izango zana?
- Ai, ai, ai, nere emaztea nola... Bueno, nik bi emazte izan ditut, hau bigarrena da. Ni ezkondu nintzan milla bederatzirehun eta hirurogeita bigarren urtean lehenbizi. Neska burgalesa zan, "de... a ver" herriya... ta da nerbiyoangatikan e? Oiña. Oiñakua zan. Eta ezknodu eta handik hamar hillebetea, bueno gelditu zan haurdun handik hillabetea. Eta handik hamar hillabetea, partoko garaiyan haurra eta bera hil ziran, biyak partuan. Nik ziur nago izan zala sendagillearen faillua. Zeatikan euki zuten bate... Esate baterako, gaur sartu eta handik hiru egunera oaindik oiñazetan eta ezer egin gabe egon zan. Eta hasi ziranian ya zerbait egiteko, ya ez zegon ezer egiterik; ez zegon ezer egiterik eta hil ziran biyak: umia eta ama. Bueno, gelditu nintzan berriz, orduan ze in nuan? Ordun etorri nintzan, ezkondu nintzanian lehenengo aldiz etorri nintzan Intxaurrondora; erosi gendun pixu bat eta etorri giñan Intxaurrondora bizitzera, ez etxe hontara, beste batera. eta orduan, bakarrik gelditu nintzanian juan nintzan berriz aita ta amen etxera. Ta bueno, denbora pasa zan, bi urte pasa ziran. Bi urte? Bai, bi, hiru. Ezautu nuan neska bat, oain nere emaztia dana, ta ezkondu giñan...
- Errezildarra?
- Errezildarra, hua errezildarra. Bat burgostarra, erdalduna, oso... Bueno, ze esango dizut? Neretzako oso neska zoragarriya. Baiño...
- Ta seme-alabarik badezute?
- Oain bai. Bigarren emaztiakin bi alaba.

Egilea(k): Eider Etxeberria (Badihardugu Euskara Elkartea)

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia