Janbattitt Lekuona

Agerreko Bordan sortua, eta bertan eraman du bizia, laborantzan. Ardiekin eta baratzearekin biziarazi du etxalde txikia. Bide txarrak izanez, Bidasoa baliatu du, auzoek bezala, egurra garraiatzeko, orain desagertu diren bi barku klaserekin. Herriko Etxeko kontseiluan ere urte asko pasa ditu, eta begirada berezia ematen dio bere herriari. Mixel Lekuona erretorea, bere anaia, ezaguna da Iparraldean, batez ere bertso eta euskararen munduan. Bigarren Mundu Gerrako oroitzapen latza du Janbattittek, nahiz eta gaztea izan.