Auzoko gizon bat txabolan preso
Deskarga:
Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan BRZ-007-018 kodeko bideoa nahi duzula aipatzea: ahotsak@ahotsak.eus
Auzoko gizon bat zoratu egin zen eta oilategi antzeko txabola batean eduki zuten preso, beste inora eramateko dirurik ez zutelako. Behin Anttoni ondotik pasatu zen eta ogia eskaini zion. Hurbildu zenean, ileetatik oratu eta sekulakoak eman omen zizkion. Azkenean txabolatik ihes egin eta bere burua errekara bota zuen. Gaur egun ezin da sinistu orduko bizimodua nolakoa zen.
- Proiektua: Fondo partikularrak
- Elkarrizketatzailea(k): Aritz Agirre - Aitzol Mendiola
- Data: 1994(e)ko urtarrilaren 01a
- Iraupena: 0:01:57
- Erref: BRZ-007/018
- Kodifikatzailea: Aintzane Agirrebeña
- Emalea: Aitzol Mendiola
- Gaia(k): Iritziak » Antzinako bizimoduari buruzkoak , Ohiturak eta bizimodua » Kontakizunak eta sinesmenak » Anekdotak, kontakizunak
Transkripzioa
Ez dakit zuk ezautuko zendun, `Onbe´ esaten otsien, `Onbe´, zoratuta euki abena… Familidxie, herentzidxaatik edo... Zoratu ein jakozan mutillek be danak. Ta euki abien, ez dakizu, oillotokidxe? Zoratute egon zan, bai? Ta pagau ezin haren zera, ta euki abien holakoxe zertxo baten, ba, [oholekin] egindde, euki abien gizonori, hantxe preso, ba, kanpuen ezin leikiela euki libre ta. Ta egun baten handixik pasau nitzen ganauekin, ta esan osten: “Anttoni, hona etorten bahaz, ogi zati bat emongo deunat /emongounat/”.
Ta, ba, orduen, ba, ogidxe oin pastela baiño zerago izeten zan, estimauago. Juen nitzan, heldu ostan handixik bentana ertzetik ulietatik... niri emon ostan palizie! Eta holakoxe zera... Azkenien eskapau euan zeretik, handik kaidxolatik egun baten, ta bota eban bere burue errekara, eta ez dakizu zelako bakie ein eban gizajuek, beretzako eta auzo guztidxentzako. Oin horrek holan pasau ezkero? Amabirjiña Kontzeziñokue…! Eske harek gauzak oin siñestu be ezin leikez ein. Harek gauzak? Egun guztidxen biherra ein, gabien madrastiek “tan-tan-tan” taluek, harik eta... uzkurtxo bat [...] ez zan aillegetan gehidxago...
Egilea(k): Aitzol Mendiola
Euskal Herriko Ahotsak proiektua babestu nahi?
Ahotsak diruz lagundu nahi baduzu, egin zure dohaintza txikia. Mila esker!