Zinegotzi frankismo sasoian; alkate nola izendatu zuten

Bera zinegotzi moduan Bergarako Udalera sartu zenean, Udala frankista zen. Baina ordurako bazeuden 4-5 pertsona Udalaren filosofiarekin bat ez zetozenak. Esaterako, sindikatu bertikalari aurre egin ostean, Udalean sartzea lortu zuten sindikatu "klandestino"ko kideak. Greba egiteagatik lantegitik kanporatuak izan ziren hainbat kidek sortu zuten talde hori. Udaleko plenoetan ez zen ezer eztabaidatzen; alkateak botere osoa zuen erabakietan. Franco hil ostean, Arias Navarro presidenteak lege bat jarri zuen, esanez 10.000 biztanle baino gehiago zuten herrietan zinegotziek alkatea aukeratu zezaketela. Horri esker, bera izendatu zuten alkate. Orduko zinegotziak: Irazola, Otaegi, Mendibil, Valle...