Berastegiko eta inguruko euskara

Pasarteak jarraian erreproduzitu

Hizlaria(k): Mahai-ingurua Berastegin

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan BRS-028-002 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Berastegiko euskara inguruko herrietako euskararekin alderatzen dute: aldea sumatzen dute Elduain, Leitza, Gaztelu eta inguruko beste zenbait herrirekin; hizkera antzekoena Tolosakoa iruditzen zaie. Tolosan eta Donostian garbi hitz egiten da beren ustez. Berastegiko hizkera Tolosakoarekin eta Leitzakoarekin alderatzen dute, eta zer desberdintasun dagoen aipatzen dute.

« Aurrekoa Hurrengoa »

Proiektua: Berastegiko ahotsak
Elkarrizketatzailea(k): Aintzane Agirrebeña - Asier Sarasua Aranberri
Data: 2009(e)ko ekainaren 19a
Iraupena: 0:02:57
Erref: BRS-028/002
Kodifikatzailea: Eider Etxeberria
Gaia(k): Euskara » Euskalkia, herri hizkerak, euskara batua

Transkripzioa

-Esaten dezu Elduaienera aldatu egiten dela?
-2-Hitz batzutan nik harrapatzen det Elduaiñera.
-Hori inñorkere ez dit esan oin arte.
-Oreja ta Gaztelua ere bai, e.
-4-Oreja ta Gaztelua ere bai, asko. Eta Eldua're bai, e.
-2-Zeoze Elduara're bai.
-Berastegi izan arren?
-2-Bai.
-1-Hala're gehio kanbiatzen da Leitze ta Goizueta, Areso ta. Horitara gehio kanbiatzen da.
-2-Asko-asko hoitan, asko, asko.
-Leitza bertan dago, ez?
-2-Bai, hamar kilometro, beatzi, hamar.
-Eta gertukuena edo berdintsuena zein da?
-1-Nik uste hau dala, hemendik Tolosa ta inguru hoi. Goierria ere beti kanbiatu eitten da pixkat.
-5-Euskeraik garbina beti Tolosan... Inguru hau. Tolosa, ingurue.
-6-Zona haundie hartzen du Tolosak eta horko... Euskeraik garbiina hor esaten due.
-5-Donostin bertan'e garbi hitz eitten da, e.
-1-Gero ya aurrea hasi ezkeo Azpeiti eta hoitan'e asko kanbiatzen da.
-5-Hortikan ya joaten bazea Hondarrabi aldea ta Irunera ta ya Frantzikoa asko sartzen da. Frantsesa're mezklatu eitten da.
-6-Oiartzun eta danetan ya kanbiatu eitten da.
-5- Hemen Gipuzkuan bertan bezela Bizkaikin ingurukoak ya asko mezklatzen die.
-Eta hemendik Tolosara ta kanbiatzen da?
-5-Zeozer bai.
-1-Nere irudittuan asko ez.
-2-Berrobin'e hitz batzuk badittuk diferentek.
-1-Esateko era batzuk bai baiño hola...
-4-Azentoa da diferentea.
-6-Tolosan nik uste garbigo edo hemen baiño're oaindik.
-Hemen gehiago jaten dezue?
-4-Hitz batzuk jan itten dittuu.
-5-E ta A-kin asko kanbiatzen da hau. Hemen E esaten da eta Tolosan A. Guk "egie" esaten degu, haik "egia". Hortxen dao, asko behiñepein bai.
-Eta Leitzan?
-5-Hemen "jainkoa" ta esaten dittegu bezela han "yainkoa" ta.
-2-Hemen esaten degu "jo", haik esaten due "yo". Ta hemen esaten da "jan" eta haik "yan".
Eta holako hitzek asko diferentek.
-6-Hemen "etorri zea?", han "heldu zea?"
-Eta gero azentua ere asko aldatzen da?
-2-Baita, baita.
-5-Gero hemen sekulen ez da esaten "haurra", "umea" esaten da hemen. Han berriz "haurra" esaten da, jeneral.
-4-Oaiñ hemen'e ai da sartzen hoi "haurra", baiño han gehio.