Eskolara joan beharrean etxean lanean

Transkripzioa

- Esan dezu, orduan, zu karmelitetan…
- Bai, karmelitatan. Ta… beatzi… zortzi urtekin amak eakutsi zin nei nola hartu lapitze. Arten ez zeon boligrafoik. Ba, lapitze. Ta nola manejatu. Zortzi urtekin.
- Eta amak… etxian, orduan?
- Amak etxen. Eta gero…
- Alaba: Zuen amak bazekin?
- Aittek ez zeuken eskolaik.
- Alaba: Aittek ez zauken eskolaik…
- Eskolaik ez zeuken, ez zekin firmatzen. Amak bai.
- Alaba: Ta tratuk nola itten zittun aittek?
- Aittek memoriz.
- Alaba: Buruz…
- Errealakin. Hoinbeste erreal ta hoinbeste erreal.
- Orduan, orduko dirua errealak, ez?
- Errealak zien. Eta hoinbeste… behi horrek hoinbeste balio du, hoinbeste erreal ta hola eta holaxe eitten zoen tratoa.
- Eta amak, orduan, eskola nun hartutakoa, auzoan bertan edo…?
- Amak ez dakit nun ikasiko zon, Unsaingoa zan hua ta. Gue gizonan bizilagune, bestekoa. Ez dakit nun ikasi…
- Alaba: Hogei urtekin ezkondu zan…
- Hori da, hogei urtekin.
- Alaba: Baiño…
- Ondo.
- Alaba: Baiño jantzik zien haiek, ama…
- Bai, oso.
- Alaba: … etxe hartakok.
- Oso, oso.
- Orduan, zortzi urtekin zuk ya…
- Bai, ta geo hamaika urtekin ya… Bueno, zortzi urtekin hasi eskolan, baiño erditan etxen. Aittek esaten zin: “Maria —ni, Maria— Maria —o Mariatxo o ez dakit ze esaten zin— ba, gaur irik ittulatzeko laune behar det ta etxen geatu beharko dezu”. Akabo nee eskolea. “Y yo feliz”.
- Bai? Bai? Gustorago etxean lanean eskolan baiño?
- Alaba: Geroz ta atzerago eskolan, noski…
- Eta hori. Eta hala gelditzen nitzen ni etxen, ta prime… gustora. Baiño hurrungo eunen atzea ni bestetatio. Bestek aurrea pasauta… ta ni atzeago.

Egilea(k): Aintzane Agirrebeña (Badihardugu Euskara Elkartea)