La Salleko fraideak Floreagatik bidali zituzten

Azkoitiko Udalean zegoen idazkaria La Salleko fraideen kontra zegoen. Fraideek euskarazko liburuak ekartzea ere ez omen zitzaion gustatu. Salesiarrak ekarri nahi zituzten, haiek "Artes y oficios" irakasten zutelako. Hitzartutako epea bukatu zitzaienean, bete ezindako klausulak jarri zizkieten La Sallekoei eta Floreagatik alde egin zuten. Gurasoek ordainduta, bi urtez jarraitu zuten Azkoitian. Bi urte horietan Andaluziatik etorritako fraideak ("maisu beltxak") egon ziren Floreagan, Salesiarrak ezin zirelako etorri herrian beste ordena batekoak zeuden bitartean. Gerra hasi zenean, hospitala ipini zuten Floreagan. Gerraostean hainbat ordenatako fraideak egon ziren.