Gaztetan segan, ittulan eta behizain

Hizlaria(k): Arrizabalaga Zubizarreta, Manuel

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan AZK-010-001 kodeko bideoa nahi duzula aipatzea: ahotsak@ahotsak.eus

Txertatu audioa:

Gaztetan Manuel ganadua zaintzen eta ittulan aritzen zen etxean. Hamabi urterekin hasi zen jorran eta segan, gurasoei laguntzen, anaiak gerrara joan ziren eta. Lehenengo aldiz sega hartu zuenekoa kontatzen du. Behiak zituzten etxean eta umetan ama aritzen bazen ere, behiak jezten bera aritu izan da bizi osoan.

« Aurrekoa Hurrengoa »

Proiektua: Azkoitiko ahotsak
Elkarrizketatzailea(k): Laxaro Azkune - Aitziber Otegi
Data: 2008(e)ko martxoaren 10a
Iraupena: 0:01:45
Erref: AZK-010/001
Kodifikatzailea: Aitziber Otegi
Gaia(k): Familia eta harremanak » Lagunartea eta familia » Etxeko zereginak

Transkripzioa

- Ganaua [...] ta... ze ingo giñuzen, ba, guk? Ganaua zaittu, ittulan ein ta... Eskolaako gogo haundirik ez gendun.
- Ta gero jorran ta beste...?
- Ez, gaztetan ez. 12 urtera arte ez gendun jorran-ta jardun.
- Ta noiz hasi ziñen benetan lanien, segan ta...?
- Ba, 12 urtekin. Anaidxek gerraa jun zin ta aitte zeakin eukitzen nun, erreumakin-ta, asko sufritzen zun ta, ba, [orduaintxe…], derriorrian. Ganajatekuak itten-ta hasi giñan.
- Baiño segan hasteako ikisi´re nunbaitten in berko zendun, ba?
- Ikixi…
- Ibiliko ziñaten aprobak iten aurretik…
- Bai, zeoze aprobak itten-ta bai, baiña… ez zeon… ikixi… derriorrak erakusten du hor. Lehelengo neuk segie jota ganajatekotara jun nitzenien, afanien jun nintzen, ididxek hartute, "Rediez! Ekarri behar diat kriston jornaia!", ta jun nitzen ta hasi nitzen ebaitzen ta bate ez zun ebaitzen. Iñolaz´e, jotzen ai nitzela pitzau o ez dakit ze in nun segie, jasotzen nun gora ta dana belarra. Ta han etorri nitzen ididxek hutsik hartuta atzera etxera.
- Eta geo, bestetik, behiyek jezten ta hola?
- Ba, orduntxe, 12 urtekin.
- 12 urtekin baite?
- Bai. Bestela, haixek, seme edo anaidxek soldau jun zinin amak jezten zittun. Ta ama behi-jezten dana ezin lagako di(o)u ta… hasi giñan nola-hala ta handik aurrera gaur arte beti behi-jezten.
- Beti jeizten... Bai ondo ikisi´re ofiziyua, e?
- Bai, ofiziyua ikixi gero.
- Ardirik-eta ez zenduen sekula euki...
- Ez, sekula ez, ardirik ez.

Egilea(k): Aintzane Agirrebeña (Badihardugu Euskara Elkartea)