Ergobiko jaiak

Ergobiko jaien hasiera urteko egunik preziatuena izaten zen. Oso festa alaiak eta jendetsuak izaten zirela eta gaur egun ere hala direla kontatzen du, nahiz eta aurrekontu handirik ez zuten izaten. Etxez etxe joaten ziren diru bila, eta lortzen zutenarekin antolatzen zituzten jaiak. Bizilagunen parte hartze handiari esker lortzen zuten. Andoni antolatzailea izan da urte askotan. "Beotibar" orkestra ekartzen zuten arratsaldeko dantzaldirako, bertsolariak egunez, musika banda igandean eta bazkari herrikoia astelehenean. Zinta-karrerak, asto-karrerak... oso festa herrikoiak izaten ziren. Batelak ere izan omen zituzten pare bat urtez.