Arrieta (Bizkaia)

Arrietan maistra euskaldunak baino ez

Arrietan maistra euskaldunak baino ez <p>Errepublika garaian orduko bandera altxatzen zuten eskolan euskarazko abesti bat abesten zuten bitartean. Maistra Orozkoko alaba zen, Mari Karmen Ibarrondo; dena egiten zuten euskaraz, ez zuten galarazita izan. Hurrengo maistra be euskalduna izan zen, sekula ez zuten hizkuntza zela-eta arazorik izan. Oinarrizko kontzeptuak baino ez zituzten ikasi. Berak 11 urte zituen gerra hasi zenean. Sasoi hartan ez zen eskolarik izan.</p>

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu: ahotsak@ahotsak.eus

Tamaina:

Errepublika garaian orduko bandera altxatzen zuten eskolan euskarazko abesti bat abesten zuten bitartean. Maistra Orozkoko alaba zen, Mari Karmen Ibarrondo; dena egiten zuten euskaraz, ez zuten galarazita izan. Hurrengo maistra be euskalduna izan zen, sekula ez zuten hizkuntza zela-eta arazorik izan. Oinarrizko kontzeptuak baino ez zituzten ikasi. Berak 11 urte zituen gerra hasi zenean. Sasoi hartan ez zen eskolarik izan.

Transkripzioa

- Errepublikanueko zera bai… banderie zelan altzetan gendun errepublikanuek eskolan honiño orduentxe eon giñen ta gerrie hasi eurretik. Republikeko banderia altzetan gendun guk eskolan gora.
- A bai?
- Ta kanteu.
- Ta zer kantetan zan ba?
- Kantie oin ahaztute dekot nik, ze kanta eitten gendun be, umetakoa.
- Euskeraz edo erderaz?
- Euskera. Euskaldune euki gendun maistrie be. Orozkoko alabia, Mari Carmen Ibarrondo.
- Euskeraz orduen?
- Euskera. Euskera, gure denporan, euskerie ixen da eskolan dana. Prohibidute egoan dala, baia nik ez dakit, Bilbon eta horretan herri handixetan eongo zan, baia herri txikixetan ez behintzet ez zan egon prohibidute eskolarik, edo euskerarik.
- Orduen maistrie euskaldune?
- Euskaldune. Eta gero, ha gerra ostien edo joan zan, ta gero beste bat etor zan, ta ha be euskeldune. Euskera dana. Erderarik ez bagendun hoba ixengo gendun baia euskara. Leidu ta eskribidu, eta gero erderaz zer esango deuen ez gendun /ezkendun/ jakitten. Ikesi gindun eskolie ixen zan leidu ta eskribidu. Lau reglak: “sumar”, “restar”, “multiplicar” ta “dividir”. Gure batxillerra hori ixen zan, ta gero hortik gora ez da egon gure eskolarik. Hor akabe zan gure eskolia. Bai, bost edo sei urtekin hasi ta hamar-hamaikekin itxi. Eta gero baserrixen biherrien.
- Klaro, baiña hamar-hamaikagaz itxi baiña gero gerrie be etorri zan.
- Bai, gerrie etor zan. Nik zenbat urte auki nittuzen ba? Hamaike urte. “Veinticinco”-an jaiota,
“Treinta y seis”-ien gerrie zertu zan ta hamaike urte euki nittuzenien ba gerrie gero etor zan. Ta gero, gerrako denporan eskolie be geldittute egon zan une baten, ta ba gure bizimodue holan joan da aurrera, eskolarik ikesi barik gehixau.
- Baia ba, bizitzeko beste bai.
- Bizitzeko beste… geur arte bixi ixen gara ta ba bizitzeko beste euki dogu /du/. Nahikoa… Batxillerrik ez baia nahiko manejetako beste bai.

Egilea(k): Gontzal Fontecilla

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia