Fermin Bilbao Ojinaga

Arrietan jaioa, gurasoak bertakoak zituen. Agerre baserrian bizi ziren. Zortzi senide irten ziren aurrera. 14 urterekin Areatzara joan zen, fabrika batean lana egitera. 1961ean Ameriketara joan zen; osaba bat eta anaietako bat bera baino lehen joan ziren (beste anaia eta arreba bat ondoren). Highland konpañian egin zuen lana, Emmet herrian (Idaho), ardiekin: artzain eta "campero". Bost urteren ostean, eraikuntzan hasi zen lanean, Boisen (Californiara eta Arizonara ere joan zen lanetatik). Elisabethekin ezkondu zen eta Nampan bizi izan ziren; sema eta alaba izan zituzten. Boise Cascade kartoi lantegian egin zuen lana 20 urtean, Nampan. Alberto anaia ere Ameriketan bizi da eta elkarrizketatu genuen.