Arrasate edo Mondraue

Pasarteak jarraian erreproduzitu

Hizlaria(k): Pagoaga Gallastegi, Bixente

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ARR-040-003 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Jendea oinez edo asto gainean zebilenean denek elkar ezagutzen zuten. Gaur egun gauzak aldatu egin dira. 1946ko udaberrirako jaio zen Bixente. "Arrasate" izena oso gutxi erabiltzen zen Bixenteren gaztaroan; euskara garbi zaleek erabiltzen zuten batez ere.

« Aurrekoa Hurrengoa »

Proiektua: Deba Eskualdeko Ahotsak - Arrasate.
Elkarrizketatzailea(k): Aintzane Agirrebeña - Kepa Elortza
Data: 2009(e)ko otsailaren 09a
Iraupena: 0:02:54
Erref: ARR-040/003
Kodifikatzailea: Kepa Elortza
Gaia(k): Baserria » Baserriko bizimodua » Baserriko bizimodua , Bestelako kontuak » Historia orokorra

Transkripzioa

- Baiña ba horreik dire oin… klaro, gaur ez dogu iñor ezaguketan, ez ogu iñokin berbarik egitten, danok gabiltz kotxien, danok gabiltz prisaka. Baiña orduen danok ibiltten gintzen oiñez, edo bestela asto gaiñian, eta kalera astuakin egunero faten zan, eta danok ibiltten giñen oiñez, orduen ba danok ezaguketan gintzan, eta danok gekixen nundik nora, zertan gebintzen. Baiña ba oin danok kotxien, danok prisaka, eta gero zein…
- Lehen baserri bat euen lekuen oin hogei edo hogeta hamar bizitza.
- Klaro! Eta gero oingo zerik haundixena da aldamenekuari zela guzurra esan. Hori da. Baiña lehenago be beuen hori, lehenagoko agurak esaten euen “fulano”, eta “zer”, “ferixara”, eta “bai ointxe naixuek”, zenbat guzur esan bihar (di)ttozu, eta esan asko baitta egi banaka bat eta handik jaso in bihar juau. Lehenauko esaerak horreik izaten ziren, bai. Ni hantxe jaixua, Arangurenen jaixua.
- Eta zela dakotzu izena eta abizenak?
- Izena Bixente Pagoaga Gallastegi.
- Ze egunetan jaiotakua zara?
- Aprillia bost, berrogeta seixan, udabarrirako. Buneno udabarrixa batzutan, segun garizumia zela datorren, uste dot artian neguen akaberia izan bihar euela aprillian, klaro, udabarrixa marzuan sartzen gara udabarrixan, bueno, izan marzuan sartu udabarrixan baiña ba garizumiak zela ebaten eta erabagitten dauen aste santuak, artien aste santuak eta etorteko. Mas bien negua, udabarrixa esan baiña masbien negua esaten euen. Bai, aprillien bostian jaixua, bai.
- Eta Mondraue famosuari oin danok Arrasate esaten xaugu, zuek sekula mutikotan eta entzuten zeuein Arrasate izena?
- Arrasate entzuten zan hola noizien behin. Gutako Mondraua, Mondraua.
- Nork esaten eben Arrasate?
- Ba Arrasate esaten euen honeik euskera…
- Zaliak?
- Euskera, bueno, euskaltzaliak danok giñan baiña euskeria apurtxo bat kuriosuago edo zertzen euenak Arrasate eta klaro, betik, zela euen gaiñera gu mutikuak giñanian euen prohibiduta horreik izenok, eta betik papel danak egoten ziren, euskeraz daz leheneau-lehenaukuak baiña beste danak daz idatzitta erderaz. Eta “término municipal”: Arrasate, edo Arrasate, “término municipal: Mondragón”, hor zertzen zan. Guk Arrasate ez gotsen esaten; oin da Arrasate, eta ondion be guk geure artien eta baserrittar artian eta, “nora hoia?” Eta “Mondrauera”. Gure ohitturia hori da, Arrasate oingua da, bai, geuk be oin esaten dogu Arrasate, ezta? Baiña ez, lehenau ez zan esaten.

Egilea(k): Kepa Elortza