Kontxi Etxebarria Axpe

Arrasateko Erdiko kalean jaio zen, sei seme-alabaren artean. Aita aretxabaletarra zuen eta ama, berriz, Olatzagutiatik Arrasatera umetan etorritakoa. Aita, Isidoro Etxebarria, Arrasateko alkatea zen gerra zibila hasi zenean. Kontxi “Damas de la Asunción”en hasi zen eskolan, eta gerra etorri zenean bere maistrekin batera Oñatira ihes egin zuen. Gerra bukatu zen arte ia etxetik irten gabe egon ziren Oñatin. Aita-amak beste umeekin Gasteizen eta Olatzagutian egon ziren babesean. Anaia bat kartzelan egon zen Bilbon, beste bi frontean zeuden bitartean. Kontxik “Caja de Ahorros Provincial”en egin zuen lan ezkondu zen arte. Jose Andia olatzagutiarrarekin ezkondu zen.