Amaia Aiastui Leibar

Gesalibar auzoko Enusketa baserrian jaioa, urtebetera Toki Alai etxera joan ziren bizitzera, auzoan bertan. Lau ahizpa dira. Hamar urte arte auzoko eskolan ibili zen eta gero mojetan. Magisteritza ikasi zuen Gasteizen eta Arrasateko ikastolako irakaslea izan da erretiroa hartu duen arte. Arrasateko hitanoari buruzko elkarrizketa egin genion, bere lehengusina den Primi Iñarrarekin batera. Amak zuka egiten zien eta aitak hiru zaharrenei hika (txikienari zuka). Ahizpen artean hika egiten dute (gurasoek beren anai-arrebekin bezala). Bere semeak ere erabiltzen du hika; alabak, berriz, ez.