Anjel Akizu Gaztañaga

Durana kalean jaioa, ama Izurieta auzokoa zuen eta aita kaletarra. Beraiena baserri-etxea zen; baratza eta hiru behi zituzten. Bederatzi senide ziren (sei neska eta hiru mutil) eta gehienek hika egiten zuten elkarrekin. Gurasoek ere hika egiten zieten, amak bereziki. Ederlan lantegian egin du lana erretiroa hartu arte. Semeei eta biloba mutilei hika egiten die; alabari eta biloba neskei ez. Hitanoa jasotzeko elkarrizketa egin genion, Koldo Zubizarreta lagunarekin batera.