Neskatan-mutiletan. Arropak; janztetxeak

Transkripzioa

-Bi neska ibiltzen baldin baziñan, bi mutil etortzen zien, eta "faborez" eskatzen zeben, eta "ez" esaten bazontsen, buelta ein eta fuera! Haura kalabazia izeten zan.
-Orduan kalabaza asko emandakuak zarie zuek?
-Ez.
-Batzuk bai, ez? Mutillak be...
-Mutillak be gutxi gorabehera jakitten zeben zeiñena jun edo ze ein, baiña...
-Edo zein zan oso kalabaza-emoteillia eta...
-Bai, orduan be... Baiña danak ezaututa egoten zian. Batzuk dotoretxuauak, beste batzuk korrientetxuauak eta. Danerakuak orduan be, oin bezelaxe.
-Eta orduan erromerixetara eta jantzitta be doteretxuao joango ziñazien?
-Bai. Baiña soiñokotxo batekin. Haura gorde biher.
-Jaiegunetarako?
-Bai, jaiegunetarako eta jai haundittarako ta, ba perkalezko soiñekon bat.
-Eta gero zer izaten zan, zapatak ala abarketak?
-Udan abarketak giro onakin. Bestela zapatak. Kalera juten bagiñan, abarkak eta galtzak kaleraiño. Gero jaztetxia geunkan kalian auzo danak behian. Eta han kanbixatzen giñutzen zapatak. Erremeixara juteko eta elizara juteko eta han. Jaixan kalera juten giñanian beti han kanbixatzen giñan. Oin astian abarkekin kalera astuakin eta jun ezkerio samur, kalera jun arren.
-Jaztetxia nun eukitzen zenduen?
-Jaztetxia? Ondarre. Kalian entradan. Eta eskolara juten giñanian bazkaltzen giñuan tokixan. Auzo gehixenak han eukitzen zaban. Guk geuk euki giñuan holako kuarto bat auzuandako. Eta aurretik danak bakoitzak bere kutxak, kutxatxuak, bakoitzak beriak. Eta gero harek zatartu ein zien, eta erak ipiñi zeben armaixuak kajoiekin, bakoitzandako kajoe bana. Erak ein eta ipiñi zeben, harek kutxa harek danak kendu eta armaixua kajoiekin ipiñi zeben. Eta zapatak eta nahi zebanak. Eta sekula ez zan ezer galtzen han, e. Sekula ezer. Zapatak aldatu eta hantxe laga igual, hurrengo domekara artian han egoten zien harek. Bakoitzak bere kajoetan sartu eta. Kalera. Ostientzian Bilbora eta Donostiara sarri jungo giñan gu han zapatak lagata.
-Beste auzuak be esaten dozu jaztetxiak eukitzen zittuela. Ez dozu jakingo...
-Hemenguak be bai. Bakoitzak bere etxetxuak eukitzen zittuen. Hemen´e bazeuken jaztetxia, entradan, kalian. Eta handiko basarrikuak, harek auzo danak ez, honek bakoitzak bere etxetan zeuzken, baiña gure auzuan auzoik gehixena hantxe, bertan. Ez dakit zenbat kajoe izango zittuan harek. Hamalau-hamabost igual. Armaixo dezentia zan eta bakoitzak halako kajoe normal bana, eta hantxe bakoitza bere kajoetan.

Egilea(k): Juan Martin Elexpuru (Badihardugu Euskara Elkartea)