Altzo

Tolosaldea eskualdean kokatuta dagoen herria da. Bi auzo nagusitan banatzen da herria. Alde batetik, Altzo Azpi, gunerik zaharrena da, baina gaur egun baita txikiena eta biztanle gutxien daukana ere, eta Oriako ibarrean kokatuta dago. Bestetik Altzo Muño dago, herriko goialdean eta Oria eta Araxes ibaien artean kokatua, bertan bizi da biztanle gehien eta udaletxea ere auzo honetan dago. Iparraldean Tolosa eta Leaburu, hegoaldean Tolosa berriz ere, ekialdean Lizartza eta mendebaldean Alegia udalerriak mugakide ditu. Euskal hiztunen portzentaje esanguratsua dela-eta UEMAko (Udalerri Euskaldunen Mankomunitatea) kidea da.